Wednesday, October 17th, 2018
header

Saylici oo ka muquurtey soo dhaweyntii Siilaanyo iyo kala fogaanshaha jira

Saylici ayaa ka muquurtey soo dhaweyntii Siilaanyo iyo kala fogaanshaha jira. Warar xoga oo laga helay ilo ka-dhex-dhow Waftigii Madaxweynaha iyo Madaxweyne ku-xigeenka, ayaa tibaaxay Madaxweynaha iyo waftigiisu inay kusoo war-geliyeen Imaatinka Isniinta ee Waftiga Madaxweyne ku-xiggeenka.

Hase-yeeshee Madaxweyne ku-xigeenku sidda muuqata arrinkaa dheggeey-jalaq-umuu siin. Waxa kaloo Wararku intaa ku darreen Madaxweynaha iyo waftigiisu iyo Madaxweyne ku-xigeenku inay talo-ka yeesheen Safarka Boorama iyo cidda tagi-doonta, sidaas darteed labada dhinac isla qaateen in loo daayo safarka Boorama Gudoomiyaha Xisbiga KULMIYE Muuse Biixi Cabdi iyo Gudoomiye-ku-xigeenka koowaad ee golaha Wakiiladda Axmed-yaasiin Sheekh Cali Ayaanle, balse wax khaldamaybaa taasina ma dhicin. Madaxweyne-ku-xigeenkuna intuu Xukuumada wixii ka joogay Hargeysa cagta sii mariyey, ayuu weliba isagoo hor-kacaya u arooriyey Boorama iyo halkii la isku oggaa inuu u dhaafo Madaxweyne-ku-xigeenku Musharrax Muuse iyo Gudoomiye-ku-xiggeenka cusub, si isagguna waa Md. Saylici’ye uga qayb-qaato soo dhoweynta waftiga Madaxweynaha uu xilkiisa sii hayey.



Geesta kale, illaha Wargeysku xogta ka helay, waxay xuseen inay sabab u tahay Madaxweyne-ku-xigeenku inuu ka baaqdo soo dhoweynta Madaxweynaha arrin ka dhalatay xurguf-siyaasadeed oo ka dhacday Madaarka Hargeysa intii lagu gudo-jiray sabootiskii Waftiga Madaxweynaha, arrintaasoo sida xoggaha lagu sheegay ahayd khaa-khaayiraad ka dhacday qolkaa nasashadda ee Madaarka Hargeysa, taasoo sidda illuhu tibbaaxeen xubno iskugu jiray qoyska iyo xulufadoodu ku boobeen Madaxweyne-ku-xigeen Saylici. Hase-ahaatee illuhu ma xusin xubnaha arrinkaa ku kacay iyo nooca khaa-khaayiraaddu ahayd.



Dhacdadan oo marka si loo eeggo ah mid muujinaysaa inuu jiro khilaaf u dhexeeya Madaxweynaha iyo Ku-xigeenkiisa, wallow khilaafka Madaxweynaha iyo Ku-xigeenkiisu sheekaddiisu noqotay War la qabaa xiiso ma leh, oo intii xilka ay hayeenba la maqlaayey way is-haystaan iyo Madaxweyne-ku-xigeenkii wuu du’day, balse haddaana is-haysadkooda Maantu wuu ka duwan yahay wixii hore, maxaa yeelay mar waxa lagu jiraa aakhirul-cimrigii Xukuumadda, marna Madaxweynuhuu waa kan ka hadhay doorashadda teeramkiisa labaad, sidaas awgeed gari-allay taqaannaayee, kol hadii Madaxweyne-ku-xigeenku isaggu maanta uu yahay Musharrax doorashadda u taagan, isla markaana u baahan yahay taageeradda Madaxweynihiisa xilka ka tagaya, waxa haboonneyd isagoo intaa iyo in kaloo faro-badan maskaxdiisa ku hayaa inuu wax-walbaa liqo, oo xataa go’aanno ad-adag hadday ku yimaadaan ay ahayd inuu indhaha ka laaliyo.

Hase-yeeshee marka aynu soo qaadano ficillada Madaxweyne ku-xigeenku uu ku socdo, sida arrinka Gurigii hore ee badhasaabka Awdal oo Madaxweynuhuu sifo-sharci ah ku siiyey Muwaadin reer Boorama ah, balse Madaxweyne-ku-xigeenka arrinka Gurigaasi uu ka daadegi la’yahay ilaa Maanta, intii Madaxweynuhu safarka ku maqnaana uu dhawr jeer faro-gelin ku sameeyey arrinka Guriga, ilaayo hadda oo u boorama joogo Madaxweyne-ku-xigeenku aanu ka madhnay sheekedda Guriga.

Maxamed Yuusuf

Xigasho Yoolka

Readers Comments (0)

Comments are closed.

Wararka xiga

Muuse Biixi oo isku daray eryid iyo magacaabid laamo hoose oo ka mida maamulkiisa

October, 16, 2018
Muuse Biixi ayaa isku daray eryid iyo magacaabid ...

Axmed Shide iyo caasha Maxamed oo boosas weyn loo magacaabay Itoobiya isku shaandheyn

October, 16, 2018
Axmed Shide ayaa boos weyn loo magacaabay Itoobiya ...

Dawlada Somaliya oo faahfaahisay taageerida laga caroodey ee la siiyay Sucuudiga

October, 16, 2018
Dawlada Somaliya ayaa faahfaahisay taageerida laga caroodey ee ...

Somaliland oo dawlad Afrikaana oo fog wax ka raadisay

October, 15, 2018
Somaliland ayaa dawlad Afrikaana oo fog wax ka ...

Xildhibaa n Habarjeclo (ISAAQ) ah oo taageeray Jeneraal Caare

October, 15, 2018
Xildhibaan Cawil oo Habarjeclo ah (ISAAQ) ayaa taageeray ...

Dhacdooyinka

Turkiga oo baaraya suxufi galay safaarada Sacuudiga ee Istaanbuul soona noqon

October, 7, 2018
Turkiga oo baaraya suxufi Sucuudi ah oo ka ...

Madaxweyne ku xigeenka Puntland oo wax laga xumaado ku tilmaamey shirkii Kismaayo

September, 9, 2018
Madaxweyne ku xigeenka Puntland ayaa wax laga xumaado ...

Sarkaalka ciidamada Amisom oo isna ka naxay argagixisada masjid dhexdii ku dishey askari

August, 10, 2018
Sarkaalka ciidamada Amisom ayaa isna ka naxay argagixisada ...

Puntland oo sheegtay in Sucuudigu soo celiyay xoolo

August, 10, 2018
Puntland ayaa sheegtay in Sucuudigu soo celiyay xoolo ...

Boqolaal ayaa inooga dhintey Tukaraq sii socod daaye dibaa laynoo soo celin: Axmed Muuse

August, 8, 2018
Been yaan laydiin sheegin boqolaal ayaa inooga dhintey ...

Abiy Axmed oo war ka soo saaray Ismaamulka Somalida iyo Jabuuti oo dad la baxdey

August, 7, 2018
Abiy Axmed ayaa war ka soo saaray rabshadaha ...

Haween caruurtooda kala cararay argagixisada oo lagu xirey Xarardheere

August, 7, 2018
Haween caruurtooda kala cararay argagixisada ayaa argagixisadu qabatey ...