Awdalstate ma waxay noqotey wado kursi looga raadsado maamulka fashilmey ee Hargeysa ee hadda wado kasta ka xirantey ayna u dambeysay ictiraafkii Xamar ay ka raadsan jireen oo sanadkii hore lagu kala tagey.

Waxay doorbideen in Ingiriis sheekada ictiraaf raadinta u wado iyagiina quus bay joogsadeen waxayna doorbideen in ay dawlada Xasan Sheekh wax la wadaan dantooduna halkaa ku jirto.

Waxa hadda socda in sanduuqii Ingiriisku aasaasey ee loogu soo shubayay deeqaha Somaliya loogu talogalay in uu xidhmey maadaama dadka darifyadu gudbiyeen dacwado ah in lacagaha lagu maalgeliyo kaliya DEEGAANADA beesha dhexe.

Ma jiro wax Isaaq la yiraa oo meel u wada jeeda oo isku wado socda ha noqoto goosad iyo midnimo raadis waxase Jira danaystayaal dhinac walba ku Jira oo dhaslinta kharibey taas oo ay caawisey burbur qaran oo ragaadsadey dalka.

Awdalstate waxay ka mid tahay ururada hadafkoodu yahay in aan deegaanada sadexda ah ee Awdal, Saylac iyo Gabiley aan cidkale uga daba fadhiisan maamulkooda.

Taasise ma dhicin oo waxa ka taliya badhasaab laga keenay Burco waxana u sii dheer min tuulo ilaa xadka gobolada Awdal in ay beesha dhexe shaqaale ka yihiin.

Awdalstate waxay ku bilaabantey yididiilo diiran waxase markasta dhaawac u gaysta mid uga timaada gudaha taas oo loo soo maro wado qabiil. Hoos ka fiirso bilowgii madaxdii cusbaa ee Awdalstate iyo Awdalstate wada jirta.

Yididiiladaas kadib waxa madaxweynihii xilligaasi Rashiid Aw Nuur uu toos uga degay Hargeysa, ha degee wuxuu weeraray mowqifyadii ay ku taagneyd Awdalstate mana helin wuxuu ka filayay maamulka Hargeysa oo iyagu gaarey ujeedada ay ka lahaayeen,,,wuxuuse dhaawacay midnimadii reer Awdalstate inkastoo lagu faano aqoon waxase hadda la ogaadey in qabiilku xoogweynahay.

Awdalstate dib ayay isku habaysay iyagoo dhaawaca waxayna doorteen Prof Cabdisamad Nageeye oo inta madaxweynihii hore jirey isagu sheegan jirey madaxweyne taasina waxay wajiga ka xumeysay intii qadiyada ku taagneyd ee raacsanayd Rashiid Aw Nuur oo helay wado ay ku aamusaan.

Hoos ka fiiri doorashadii Nageeye kadib

Muddo kadib waxa xafladaha xisbiyada maamulka Siilaanyo ee Ingiriiska lagu arkaa xubno ka tirsanaa Awdalstate oo dhexfadhiya taasi oo aad iswaydiin karto ma dhab ayay ka ahayd qadiyada Awdalstate mise waa lagu meelgaarayay.

Intaas kadib waxaad moodaysey in dadku ka niyad jabeen isqab qabsi iyo midnimo la’aanta ka dhex taagneyd inta aaminsan qadiyada Awdalstate.

Iyadoo dadku sugayaan in reer Awdalstate la mideeyo ayaa  waxa gudaha looga dhawaaqay kacdoon dhaba oo lagu gilgilayo maamulka Hargeysa busaaradana looga korqaadayo reer Awdalstate oo uu hogaamiyo Suldaan Wabar waxayna noqotey fursad soo marta dadka reer Awdalstate tii ugu fiicneyd.

Inkastoo mudooyinkii hore si fiican arimuhu u socdeen dadaal dheerna la galay waxase maamulka Hargeysa uga faaiideystey in uu ku kala jabiyo lacag iyo qabiil.

Taasina waxay keentay ugu dambeyn in qaar ka tirsan xubnihii Suldaanku isa soo dhiibaan iyagoo raadinaya in la meeleeyo ayna ka mid ahayd heshiiska…taasina ma dhicin waxaanan daawanay maalmo kadib iyagoo qaylinaya oo leh waa nalooga baxay.

Fursadaa Suldaanku wali way jirtaa ilaa hadana afkiisa lagama maqal waan isa soo dhiibey. Waxase aad arkaysaa mararka qaar xubno la ii sheegay in ay raacasan yihiin maamulka Hargeysa dhinacna ka soo galayay Awdalstate oo rabey in ay Awdalstate wax ka noqdeen,,, waaney badan yihiin waxana u dambeeyay C/raxmaan Aleel oo isagu ku dhawaadey in uu ka mid noqdo xubnaha Awdalstate laakiin laga joojiyay boos aan jirin.

Hoos ka fiirso sida dhacdadaasi u dhacday

C/raxmaan Aleel ayaa hadda ka degay Boorama wuxuuna sheegay in uu soo guryo noqdey. Isku soo duuboo waxa maqaalkan igu kalifey in aan muujiyo in Awdalstate aaney dhiman waayo hamiga dadku ma dhinto waa hadii aad qadiyad ahaan u aaminsan tahay haddiise aad is leedahay kursi kaga hel Siilaanyo waxa dhacaysa in aad ka qoomameyso taasina qadiyad maaha.

Wararkii ugu dambeeyay ee Awdalstate ayaa ii sheegaya in lagu jiro sidii Awdalstate loo xoojin lahaa una yeelan lahayd tiirar adag oo aan dumin kolka ninka madaxda ah la rido isna uuna la go’in inta jufadiisa ah.

Soo diyaarintii Maxamed Yuusuf waa tafaftire ka tirsan shabakada caalamiga ee ARAABINEWS

ARAABINEWS