Magaalada Muqdisho ee Caasimada Somalia waxa lagu qabtay Gaari nuuca Raaxada oo laga soo buuxiyey Waxyaabaha Qarxa, sida aan wararkeenii hore ku baahinay.

Ciidamada NISA oo kaashanaayay xogo ay ka heleen shacabka magaalada Muqdisho ayaa gacanta ku dhigay gaarigaasi oo loogu tallo galay in lagu haligo shacabka aan waxba galabsan.

Gaarigaani ayaa waxaa la dhigay goob aad u mashquul badan oo ku tiilay Degmada Boondheere, waxaana la sheegay in Qaraxa gaarigaasi lala sugaayay xiliga ay isu soo baxaan dadka deegaanka.

Gaariga oo u diyaarsanaa Qarax ayaa waxaa laga soo buuxiyay Qaraxyo loo adeegsan lahaa Fuusto, Miinooyin, Haamo, Biraha Shubka, Jawaano biro iyo boolal laga soo buuxiyay RPJ iyo qoryo kale.

Guddoomiyaha Degmada Boondheere Qaasim Cabdulle Xasan, ayaa sheegay in dadka shacabka ah ay kusoo wargaliyeen sidaana uu xogta ula wadaagay ciidamada NISA.

C/llaahi Warmooge

ARAABINEWS