Madaxweyne Hasan iyo Ururka Damul jadiid ayaa Daa’uud ku maalgalinaya dhaqaale badan si uu u noqdo Xildhibaanka Beeshiisa waxa ayna horay ut siiyeen 50,000$ oo kalsooniga Mr Bisinle wuxuu sameeyey Abaabul beeshiisa ah wuxuuna sameeyey Shabakado u daacad ah oo ay ku jiraan Cuqaal kuwaas oo uu ku laaluushay dhaqaalihii Damul jadiid balan qaadona wuu u sameeyey waxana ay u geeyeen Garad Jamac Garad Cali oo godob Siyaasadeed dhixtiile balse waxa ay Saaxdheer ku yeesheen kulan labo Habeen socday oo labadooda iyo Damul jadiid oo hawadda kaga jirta ay dhexmarayey waxana la isku afgartay in Garaadku.
Wuu taageero sidii Bisinle ku noqon lahaa Xildhibaanka Beesha kulan Muqdisho ahna la isku yimaado maadaa ay jirtay Cabasho dowladda Hasan Shiikh iyo Beesha Dhulbahante dhextaalay. Bisinle wuxuu fursad u helay in Cuqaasha xulaysa Ergadda uu yeesho Ergay walba uu ku yimaado rabitaanka Daa’uud Bisinle wuxuna u sameeyey balan qaado lacageed. Waxaa Muqdisho xalay ku soo gabo gaboobay shirkii loo balansanaa ee Damul Jadiid iyo Garaad Jaamac Garad Cali oo looga arinsanayey sidii Daauud u hantiyi lahaa Xildhibaanka Beesha loona wajihilahaa olalaha Gudoomiyaha.
Mudane Bisinle wuxuu ka sheekeeyey howlihii uu soo qabtay iyo halka ay wax u marayaan wuxuu sheegay in uu ku guulaystay in la xareeyo Ergo ay soo heshiiyeen sidoo kalena Madaxweyne ku xigeenka Puntland Cabdixakiin Camay uu la shaqaynayo oo go’aan adag meel wada dhigteen wax kasta oo kaga yimaada Madaxweyne Gaas uu shafka u dhiganayo sidaas darteed uu u baahan yahay 200,000$ oo marxabaysiiyo Camay iyo Ergadda wax dooranaysa maadaama ay loolan adag kala dhaxeeyo Axmed Xaabsade oo Madaxweynaha Puntland dabada ka riixayo.
Kulankan oo ahaa mid wakhti badan qaatay ayna fadhiyeen jamaahiirta Damul jadiid Hasan Shiikh iyo Faarax C/qaadir ayaa la isku afgartay waxana Bisinle loo muujiyey hiil hagar la’aaneed Daa’uud Bisinle waa Kuma? Waxa uu siyaasadda ka soo galay dhanka Urur Islaax oo madaxweyne Faroole ku cadaadiyey in uu Wasiirka Qorshaynta ka dhigo waa markii ugu horay Siyaasadda Cag soo saaro.
Mudadii wuu wasiirka ahaa wuxuu garabsiiyey NGO Hasan Shiikh Max’ud oo mashaariico Badan u sahlay waana meesha uu ka soo xarooday dhaqaalihii Doorashadii 2012 lagu galay. Kolkii Hasan guulaystay wuxuu dharaar cad iska Casilay Wasirkii Pl isaga oo la taliye u noqday madaxweyne Hasan Shiikh Max’ud.
Xukuumadii R/wasaare Cabdiwali Shiikh wuxuu noqday Wasiirka Macdanta iyo Shidaalka wuxuna dagaal Cad ku qaaday Pl oo ka hor istaagay heshiishyo in khayraadkeeda maamulato wuxuna Madaxweyne Gaas u quudhi waayey in ay wada kulmaan oo wada hadlaan waxa jirtay in uu Hotel Dubai ah uga guuray mar wafti Gaas hogaaminayaan ay soo dageen Sidoo kale wuxuu Damul jadiid u soo xareeyey dhaqaalihii lagu riday R/wasaare Cabdwali Shiikh oo shirkado la galay heshiisyo sharci daro si looga helo dhaqaale lagu laaluusho Xildhibaanada.
