Saturday, July 21st, 2018
header

Todoba Cashar oo laga baran karo qaladkii Xildhibaan Mahad Maxamed Salaad

Golaha Wasiirrada ayaa maanta waxa ay soo bandhigeen sababihii ku kalifay dhiibista Cabdikariim Qalbi Dhagax iyo heshiisyo la sheegay in ay saxiixdey dowladii ka horeysay gaar ahaan wasiirro ka tirsanaa xukuumadda federaalka ah, haddaba arrintaas ayaa waxa ay u noqotey niyad jab weyn oo shaki dulsaari karta caqliyadda iyo siyaabaha ay u fekeraan siyaasiinta iyo Maamul goboleedyada soomaalida marka ay heshiisyada caalamiga iyo shirarka adduunka ku metalayaan dowladda soomaaliya.



Tuhunka ayaa markii ugu horeysay soo baxay markii uu hadlay Cabdi Maxamuud Cumar madaxweynaha dowlad deegaanka Soomaalida Itoobiya oo sheegay in dowladda itoobiya ay heshiis hore la gashay siyaasiin uu ka mid ahaa Xildhibaan Mahad Maxamed Salaad June 7, 2015 oo lagu saxiixey Magaaladda Jigjiga kaas oo qodobkiisa 7-aad uu cadeyno iskaashi amni ee dhinaca la dagaalanka argagixisada caalamiga ah oo ay ku jirto jabhada ONLF



1- Matelaada Qabiilka iyo Qaranka: Dhamaan heshiisyada ay la saxiixdaan masuuliyiinta soomaalida waxa ay yeelanayaan saameyn qaran maahan saameyn qabiil sida uu ku doodey Xildhibaan Mahad Maxamed Salaad oo sheegay in uu ku matelaayey heshiiskaas qabiilkiisa isaga oo ah Wasiir dowlaha Madaxtooyada Soomaaliya ahna xildhibaan qaran, Waxaa u baahn in la ogaado dowladuhu lama macaamilaan qabaa’il ee waxa ay heshiiska la galaan masuuliyiinta loo doortey hogaanka siyaasada awooda u leh in ay galaan heshiis caalami ah.

2- Jiheynta Siyaasada Arrimaha Dibedda: Waxa dulduleel badan ka muuqdaa Wasiirrada aan sida ka fiirsiga lahayn oo dhiiranaan ka muuqa u saxiixa heshiisyada ayaga oo tashi go’aan ama farsamo dib dambe ugu celinin xukuumaddii iyo dowladdii ay metelayeen kana fiirsan saameynta dambe ee uu ku yeelan karo qaranka sida heshiiskii badda oo kale taas oo u baahan in la helo jiheyn wanaagsan oo ay hormuud ka tahay Wasaaradda Arrimaha dibedda oo si wanaagsan u qeexda awooda wasiirrada iyo wakiilada u saxiixa heshiiska heshiisyada marka ay soo dhamaadaan

3- Maamul Goboleedyada iyo Dowlada Dhexe: sida uu dhigayo nidaamka federaalka ah iyo dastuurka sida KMG ah loo ansixiyey ee soomaaliya xukuumada dhexe ayaa masuul ka ah siyaasada arrimaha dibeda sidaa si lamid ah waxa aan aragnay in heshiiska uu la saxiixdey xildhibaan Mahad Maxamed Salaad waxaa la dhinaca kale u saxiixey heshiiskaan dowladda Federaalka ah ee Itoobiya Danjire Shamsudiin Axmed Rooble oo uga wakiil ahaa Wasaaradda Arrimaha dibeda Itoobiya dhamaynta iyo saxiixa heshiiskaas waana midaas tan keentay in uu saxiixi waayey dhinaca itoobiya Cabdi Maxamuud Cumar, taas oo ah cashar muhiim u ah maamul goboleedyada in ay fahmaan awoodaha dowladda dhexe iyo tan federaalka ah.

4- Habraaca heshiiyadda Caalamiga ah: Waxaa muhiim ah in dib loo ansixiyo loona qiimeeyo habraaca xukuumada ee heshiisyada caalamiga ah oo qaarkood u baahan ansixinta golaha wasiirrada halka qaarkoodna ay muhiim u tahay in uu ansixiyo baarlmaanka JFS, iyo saxiixa Madaxweynaha JFS, habraaca ayaa waxa uu kala cadeynayaa nidaamka ansixinta heshiisyada caalamiga ah ee samaaynta dambe yeelan kara.



5- Beeneey Waa Run: Siyaasiinta soomaalida waa in ay ogaadaan in si kasta oo loo soo gashto shaati qaranimo ama ajande qarsoon oo shacabka loogu qaldo in ugu dambeysta ay kadaba imaan doonto xaqiiqda oo socoto taas oo aan cudurdaar u noqon karin marka ay timaado

6- Muhiimada dib u eegista heshiisyadii hore: Waxaa muhiim ah in xukuumadda Ra’iisul Wasaare Xasan Cali Kheyre ay isku xilsaarto dib eegista heshiisyadii hore ay galeen masuuliyiintii hore haddii loo baahdo.

7- Helitaanka diiwaanka qaran ee heshiisyada caalamiga ah: Waxaa muhiim ah in Wasaarrada Arrimaha dibeda ay ka howlgesho sidii loo heli lahaa diiwan qaran (archive) ay ku keydsan yihiin dhamaan heshiisyadii caalamiga ahaa ee ay maalin weliba saxiixaan wasiirrada tan 1991-kii kuwaas oo haddii kale noqon kara uurkutaalo hortaala mustaqbalk umadda soomaaliyeed.

C/llaahi Warmooge

ARAABINEWS

Readers Comments (0)

Comments are closed.

Wararka xiga

Doon ay saarnaayeen 160 qof oo Somali u badan oo degtay

July, 21, 2018
Doon ay saarnaayeen 160 qof oo Somali u ...

Xarunta Puntland oo ay ka dilaacdey arin dadku ay aad u qaylinayaan

July, 21, 2018
Xarunta Puntland oo ay ka dilaacdey arin dadku ...

Gaari miino ay ku xirtey argagixisada oo ku qarxay Muqdisho iyo khasaare jira

July, 21, 2018
Gaari miino ay ku xirtey argagixisada ayaa ku ...

Ku xigeenka Faysal Waraabe oo qaba in Awdal saami ka maqneyn laakiin wax ha akhriyaan

July, 20, 2018
Ku xigeenka Faysal Waraabe ayaa qaba in Awdal ...

Maraykanka oo ka farxiyay Somali haysata sharciga aan joogtada ahayn iyo tirada

July, 20, 2018
Maraykanka ayaa ka farxiyay Somali haysata sharciga aan ...

Dhacdooyinka

Faysal Waraabe oo hadda qirsan inay dawlada Somaliya ka mid yihiin

July, 20, 2018
Faysal Waraabe ayaa hadda qirsan inay dawlada Somaliya ...

Dhacdo naxdina: gabadh yar oo dhiig bax ugu dhimatey Dhuusamareeb iyo sababta

July, 18, 2018
Gabadh yar ayaa dhiig bax ugu dhimatey magaalada ...

C/qaadir Jirde oo qarxiyay : Itoobiya abaal inooma hayso Farmaajana yaynaan afka la gelin

July, 18, 2018
Xildhibaanka xisbiga Wadani ee C/qaadir Jirde aya ku ...

Nin ku dhacay jariibo aad u weyn oo maamulka Jubbaland qabteen

July, 17, 2018
Nin ku dhacay jariibo aad u weyn ayaa ...

Ninka ugu cidiyo dheer aduunka oo Hindi ah oo ugu dambeyn laga jaray

July, 12, 2018
Ninka ugu cidiyo dheer aduunka oo Hindi ah ...

Jiir digada ka dhigey lacag malaayiina dalkaasi Hindiya iyo goobta uu ku helay

June, 22, 2018
Jiir digada ka dhigey lacag malaayiina dalkaasi Hindiya. ...

Bahda Araabinews oo hambalyo u diraya lamaanaha Maryan X Seef iyo Badar Cumar Cali: SAWIRO

June, 21, 2018
Bahda Araabinews ayaa hambalyo u diraya lamaanaha Maryan ...