Xawaaladaha Somalida ee Kiiniya oo beri si toosa u shaqo galaya iyo dawlada Somaliya oo soo dhaweysay

Nayroobi–Xawaaladaha Soomaalida ee dalka Kiiniya ayaa beri oo ay taariikhdu tahay 23-06-2015 si rasmi ah u shaqo bilaabi doono,ka dib markii ay dowlada Kiiniya qaaday xayiraadii saarneed inka badan mudo labo bilood ah.

Gudiga ay ku mideysanyihiin xawaaladaha soomaalida ee dalka Kiiniya oo galabta shir jaraa’id ku qabtay magaalada Nairobi ayaa dadka soomaaliyeed u cadeeyay in dowlada Kiiniya ay qaaday xayiraadii saarneed xawaaladaha soomaalida oo ay si rasmi ah u shaqo bilaabeen,islamarkaana ay adeeg gaarsiin doonaan dadka u baahan.

C/Xakiim Axmed Xaashi oo ku hadlayay magaca gudiga xawaaladaha soomaalida ee dalka Kiiniya ayaa sheegay in dowlada Kiiniya ay wax danbi ah ku waysay xawaaladaha Soomaalida,ka dibna ay u soo celisay ruqsadii ay ku shaqeyn lahaayeen.

C/Xakiim Axmed Xaashi ayaa u sheegay dadka soomaaliyeed meel kasta oo ay ka joogaan caalamka in wixii ka danbeyo bari lacagaha u soo diri karaan eheladooda joogo dalka Kiiniya.

C/llaahi Warmooge

ARAABINEWS.COM

Share on Facebook

Tweet

Follow us

Save