Wararka ka imaanaya gobolka Jubbada dhexe ayaa sheegaya in halkaasi dhulka lala simay argagixiso diyaarinaatay walxaha qarxa gaar ahaan deegaanada Bu’aale iyo Salagle. Saraakiisha ciidanka dawlada ayaa faahfaahin ka bixiyay duqeynta.
Duqeynta ayaa lala beegsaday xarumo ciidan iyo goobo kale oo muhiim ah, waxaana ka dhashay khasaare dhimasho iyo dhaawac oo soo gaaray argagixisada Shabaab.
Wararka aan ka helnay saraakiil ku sugan Jubooyinka ayaa sheegay in goobaha la duqeeyay ay ku jiraan xarun lagu diyaarinayay argagixiso cusub oo weerar ka geysta gobalada dalka iyo Muqdisho 17-ka bisha barakeysan ee Ramadaan.
Sidoo kale xogta aan helnay ayaa sheegaysa in argagixisada qaar ee duqeynta ku dhintay loo diyaariyay in todobaadkaan ay weeraraan degmada Baardheere ee gobalka Gedo iyo magaalooyin kale oo ka tirsan Gedo.
C/llaahi Warmooge
ARAABINEWS