Warar dheeraad ah ayaa ka soo baxaya weerarkii qorsheysnaa ee lagu dhaawacay Safiirka Dowladda Ruushka u fadhiya Magaalada Ankara ee Caasimada Dalka Turkiga.
Urur diimeedka uu ka tirsan Erdogan ee akhwaan muslimiin iyo kuwa Nusra ee Yuhuudu taageerto ayaa banaanbaxyo ka dhigay caasimada Turkiga iyagoo eedaynaya Ruushka.
Ninka dilka gaystey ayaa lagu soo waramayaa in uu ahaa nin watey ama la siiyay aqoonsiga booliiska. Erdogan ayaa dhawaan raaligeliyay Ruushka xili uu siyaasad ahaan galay go’doon.
Dhaawaca Danjire Andrei Karlov ayaa lagu soo waramayaa in uu yahay mid halis ah, isagoona loola cararay isbitaal ku yaalla Magaalada Ankara.
Weerarka ayaa sidoo kale waxaa ku dhaawacmay 3 Ruux oo goobta ku sugnaa maadaama Safiirka uu hadalo ka jeediyay bandhig lagu sameynayay Magaalada Ankara ee Caasimada Dalka Turkiga.
Wasaarada Arimaha Gudaha ee Dalka Turkiga ayaa durbo xaqiijisay dhaawaca Danjire Andrei Karlov.
Ciidamada amaanka ee Dowladda Turkiga ayaa lagu soo waramayaa in toogasho ay ku Dileen kaaligii dilka ka dambeeyay weerarka lagu dhaawacay Safiirka Dowladda Ruushka.
Wargeyska Hurriyat oo ka soo baxay Dalka Turkiga ayaa waxuu baahiyay in Ninkii fuliyay weerarka uu ku dhawaaqayay erayo muujinayay in uu ka tirsan yahay Ururka Daacish.
Ilaa iyo hada ma jirto cid sheegatay mas’uuliyada Weerarkii lagu dhaawacay Safiirka Dowladda Ruushka u fadhiya Magaalada Ankara ee Caasimada Dalka Turkiga.
Rashiid Ceelaanyo
ARAABINEWS
More Stories
Reer Awdalow shaqo haku darsanina dagaalada Isaaq kula jiro jaarkiisa
Madaxweynaha Awdalstate oo afka furtay. Waa shaqaale kuwa Hargeysa tagay
Halkan ka daawo adaa arki cida Suuriya u gacan gashay