Dawlada Itoobiya oo ku dhow inay soo afjarto dagaalka ay ku qaaday falaagada Tigreega ayaa soo saartey warqad qabasho ah oo ay ku jiraan 76 saraakiil Tigree u badan oo xasuuqyo ba’an iyo jirdilo iyo kufsi ka gaystey Somaliya iyo weliba dawlada Somali galbeed.

Saraakiishaas waxa ku jira Jeneraal Gabre oo ahaa ninkii u sareeyay ee Milas Sinaawi u joogey Muqdisho oo lagu ogaa xasuuq ba’an iyo tacadiyo ka dhana bani aadamka, waxa iyana ku jira jeneraalo kale oo jirdilo iyo kufsi ka gaystey dawlada Somali galbeed.

Wararkii u dambeeyay ee ka sifeynta jeneraaladii xasuuqa gaystey gobolka Tigree ayaa si xawli ah u socda ayadoo ciidanka Itoobiya ku siqayo caasimada Tigreega ee Makale.

Jeneraaladan ayaa la sheegay in qaarkood baxsad ku joogaan Kiiniyua iyo dalalka Afrika.

Maxamed Yuusuf

ARAABINEWS