Qodobada laga soo saaray doorashada dadban ee Puntland

Gudida Doorashooyinka Dadban Ee Maamul Gobolleedka Puntland Ayaa Soo Saaray War Qoraala Oo Ku Aadan Xildhibbaaanada Musharixiinta, Iyo Shuruudaha Looga Baahan Yahay.

Lagana Rabo Xildhibaan Kasta Oo U Tartamaya Labada Aqal Ee Baarlamaanka Dowladda Federaalka Ah Ee Soomaaliya.

Musharaxiinta Shuruudaha Looga Baahan Ayaa Waxa Ay Yihiin

1. In Uu Yahay Ama Ay Tahay Muwaadin Soomaali Ah.
2. Ugu Yaraan Da’da 25 Sano.
3. Uu Haystaa Ama Haysataa Ugu Yaraan Shahaado Dugsi Sare Ama Khibrad U Dhiganta.
4. Aan Ka Mid Ahayn GDGHDD Ama Ergada Doorashooyinka.
5. Uu Kamid Yahay Ama Ay Kamid Tahay Beesha Kursiga Iska Leh.
6. In Aan Heer Maxkamadeed Lagu Xukumin Danbi Uu Galay 5-Tii Sano Ee La Soo Dhaafay.
7. Dhigida Koontada GDGHDD Lacag Dhan $10.000 Raga, Dumarka ($5.000). [Aqalka Sare]
8. Dhigida Koontada GDGHDD Lacag Dhan $ 5.000 Ragga, Dumarka ($2.500). [Aqalka Hoose]

Soo Gudbinta Codsiga Musharaxnimada Ayaa Ah:

Xubin Walba Oo Doonaya Inuu Codsado Musharaxnimo Waa Inuu Buuxiyaa Arjiga Codsadaha Ee GDGHDD Isla Markaana La Ansixiyo, Lana Soo Gudbiyo Dukumiintiyada Hoos Ku Xusan Ee Taageeraya Musharaxnimada.

1. Arjiga Codsiga Oo La Buuxiyey, GDGHDD Ay Ansixisay.
2. Koobiga (Copy) Aqoonsi; Warqadda Dhalashada Ama Baasaboor.
3. Shahaado Dugsi-Sare Ama Warqad Rasmi Ah Oo Ka Socota Hay’ad Horay U Shaqaalaysiisay.
4. Cadeyn Ama Rasiid Bangiga Oo Cadaynaya Bixinta Lacagta Musharaxnimada Oo Aan Dib Loogu Soo Celin Doonin. Lacagtaasi Oo Dhan:

[Aqalka Sare: $10.000 Murashaxiinta Ragga & Murashaxiinta Dumarka $5.000].

[Aqalka Hoose; Murashaxiinta Ragga, $5.000, Dumarka Aqalka Hoose $2.500.]

Waxaana Lagu Shubayaa Koontada Ay Samaysatay GDGHDD Uu Musharaxu Iska Diiwaan Galinaayo.

C/llaahi Warmooge

ARAABINEWS

Share on Facebook

Tweet

Follow us

Save