Wariyihii caanka ahaa ee Axmed Xasan Cawke oo la soo sheegay in uu Jigjiga ku geeriyooday

Allaha u naxariistee wariyihii caanka ahaa ee Axmed Xasan Cawke ayaa la soo sheegay in uu Jigjiga ku geeriyooday. Cawke ayaa ka mid ahaa wariyeyaasha ugu caansan cariga Somalida wuxuuna ahaa wariyihii gaarka ahaa ee madaxweynihii u dambeeyay dalka Jaalle Maxamed Siyaad Barre.

Cawke ayaa diidey in uu marnaba ku jeesto madaxweynihii shaqada siiyay oo uu war xun ka sheego. Cawke ayaa waligiiba lagu yaqaaney nin ka fog colaada iyo cuqdada qabiileed ee ku habsatay Somalida.

Wuxuu sanadihii dambe u wareegay gudaha dalka halkaas oo uu jeclaystay in uu la joogo dadkiisa jecel wuxuuna marmar soo saari jirey barnaamijyada ciida ee farxada leh.

Dhimashada Axmed Xasan Cawke waxa cadaysay gabadha kaliya ee ay walaalo yihiin Cawke ee Canab Xasan Cawke. Inaa lilaah waa inaa ilayhi raajicuun.

ARAABINEWS.COM

Share on Facebook

Tweet

Follow us

Save