Xasan Sheekh oo la damaashaadey dadweyne ku sugnaa xeebta LIIDO: SAWIRO

Madaxweynaha Jamuuriyadda Fedaraalka Soomaaliya Mudane Xasan Sh Maxamuud oo ay wehliyaan Masuuliyiin ka tirsan Dowladda Soomaaliya, ayaa dabaaldagga Munaasibadda Ciidul Fitriga kala qeybqaatay boqolaal dadweyne ah oo ku damaashaadayay Xeebta Liido ee maagalada Muqdisho.

Madaxweyne Xasan Sh maxamuud, ayaa la sheekeystay dadweynaha ku sugnaa Baararka laga cunteeyo ee ku teedsan Xeebta liido, isagoo ugu dambeyntii la hadlay dadwynaha ku damaashaadayay Xeebta Liido, ugana hambalyeeyay Dabaaldagga Maalinta Koowaad ee Ciidda.

Madaxweynaha Soomaaliya, ayaa dadweynaha ku sugnaa xeebta Liido ugu baaqay in la iscafiyo islamarkaana laga shaqeeyo horumarka iyo Midnimada Dalka Soomaaliya.

Sidoo kale Madaxweynaha Soomaaliya, ayaa sheegay in dalka Soomaaliya uu kasoo kabanayo burbur iyo Colaad Sokeysa maantana uu soo gaaray meel wanaagsan oo dadlalka caalamka ay ku dhiiranayaan in ay maalgashadaan Soomaaliya kana qeybqaataan dib u dhiska iyo hormarka Soomaaliya.

C/llaahi Warmooge

ARAABINEWS

Share on Facebook

Tweet

Follow us

Save