Xisbiga mucaaridka ah ee WADDANI, ayaa soo saaray qoraal ay ku sheegeen inay buuxiyeen xubintii xisbigooda u matalayay Guddida ictiraaf raadinta Somaliland ee uu dhawaan magacaabay Madaxweynaha Somaliland.
Xoghayihii hore ee warfaafinta xisbiga WADDANI boobe Yuusuf Ducaalle oo dhawaan iska casilay kana baxay xisbigaas, ayaa xubin ka ahaa Guddida ictiraaf raadinta. Sidaas darteed, waxay sheegeen inay xubintaasi ku bedaleen Axmed Xadi Sidci.
Sida lagu sheegay qoraal uu Guddoomiyaha WADDANI Cabdiraxmaan Maxamed Cabdilaahi (Cirro) u qoray Wasiirka Arrimaha dibadda Somaliland. “Mudane Wasiir,Tixraac Warqadaada ku taariikhaysanayd 20/3/2016 kuna saabsanayd buuxinta xubinta Xisbiga WADDANI ee Gudidda Aqoonsi-raadinta.
Waxa Xisbiga WADDANI Xubintaas u soo magacaabay Mudane: AXMED XADDI SIDCI,”ayuu Guddoomiye Cabdiraxmaan Cirro ku sheegay qoraalkiisa. Siyaasigan Axmed Xadi Sidci waxa uu ahaa badhasaabkii hore ee Gobolka Awdal ee Madaxweyne Siilaanyo magacaabay markii uu talladda dalka qabtay sannadkii 2010-kii.
Maxamed Yuusuf
ARAABINEWS
Wararkii hore
Reer Awdalow shaqo haku darsanina dagaalada Isaaq kula jiro jaarkiisa
Madaxweynaha Awdalstate oo afka furtay. Waa shaqaale kuwa Hargeysa tagay
Halkan ka daawo adaa arki cida Suuriya u gacan gashay