Waxa walaac xoogan laga muujiyay qalab la’aanta haysata ciidanka u tababaran qaranka gaar ahaan kuwooda ka fog qabyaalada ee ay tababareen wadamada Turkiga iyo Maraykanka kadib is dhiibkii ciidankii Afqaanistaan.
”Halista Somaliya kaga imaan karta Afqaanistaan waa ta haddaba ina haysata oo caruurteenii la yiri is-qarxi janaa galaysaa ayuu yiri taliye u hadlay ciidanka laakiin markay noqoto tayada ciidan ee Afqaanistaan iyo Somaliya isku mid maaha.
”Anaga waxaan toos uga amar qaadanaa taliyaha ciidanka xooga dalka halka ciidankii Afqaanistaan ay markasta gacanta ku hayeen ciidamadii ajaanibta ee tababaray, runtiina waxay ahaayeen ciidan dhamaystiran laakiin aan niyad u hayn inay dagaalamaan ayuu raaciyay sababo badanba ha keenaane.
Anaga waxaan joognaa gobolada badankooda iyo xataa dhul ayna joogin ciidanka Amisom sida gobolada dhexe. Dhulka aan Amisom wada joognana waa anaga kuwa weerarka qaadaya ee amarka ka qaadanaya taliyaha ciidanka.
Shaki kuma jiro in dhiigmiiratada loo baneeyay Afqaanistaan ay wehel u noqonayso dhamaan argagixisada caalamka Muslimka ee xalaashaday dhiiga muslimiinta kuna qaraabta Ashahaadadii dinteena.
Ciidanka Somaliya loo tababaray ayaa tayo waxase in la tayeeyo u baahan kuwa maamul uufeedyada loo qorey iyo weliba kuwii dhawaan ciida ka qotey magaalada Muqdisho oo aan matali karin qaranka.
”Qalabaynta ciidanka waxa ku filan Turkiga laakiin horta ma laguu ogolyahay in lagu siiyo hub aad qaranka ku difaacdo. Waa su’aal qaranka u taal ayuu qabaa Cali Calasow.
”Waxa tusaale inoo ah weerar argagixisadu soo qaaday laba bilood kahor oo 70 ay meyd haan uga tageen. Yaa kuwaa dilay waxa diley ciidanka Somalida ayuu yiri taliyaha xataa ayagoo haysta hub la mida kan argagixisada ayuu raaciyay.
C/llaahi Warhaye
ARAABINEWS