Argagixisada Daacish oo soo bandhigtey caruur ay xasuuqa barayaan

Argagixisada ugu xun aduunka ee at ku xigto shabaab iyo Boko Xaraam ee Daacish ayaa soo bandhigtey caruur dugsi looga dhigey sida xasuuqa loo barto.

Argagixisada ayaa caruurtan baray sida loo xasuuqo halkaana ku dila Muslimiinta ay gaaleeyaan. Maadaama caruurtu dambi lahayn ayay uga faaiideystaan in at ku xasuuqaan muslimiinta.

Caruurta lagu arkayo halkan ayaa qaarkood u dhashay wadamada Ingiriiska iyo Yurubta kale.

Inkastoo aanan si dhab ah loo ogeyn halka ay tahay meesha toogashada ay ku geysanayaan caruurtaan, ayaa hadana Warbaahinta waxa ay sheegaysaa inay tahay Magaalada Raqa ee dalka Syria, gaar ahaan goob lama degaan ah oo cidlo ah.

Shanta caruurta ah ee geysanaysa falkaan argagaxa leh ayaa u kala dhashay dalalka Britain, Turkey, Masar, Uzbekistan iyo Tunisia, waxaana la tilmaamay inay dhaleen dagaalyahano ka tirsan Daacish.

Mid ka mid ah Caruurta oo ka soo dhex muuqday Muuqaalka ayaa sheegay inaysan jirin cid badbaadin karta Maxaabiistan, xitaa hadii ay u soo gurmadaan Mareykanka iyo Jarmalka.

Ma’ahan markii ugu horeysay ee Daacish ay soo bandhigaan Caruur da’dooda aad u yar tahay oo at ku bilaabaan sida xasuuqa loo sameeyo.

Ma’ahan markii ugu horeysay oo Daacish ay soo bandhigaan Caruur da’dooda aad u yar tahay oo fal toogasho ah sameynaya.

Rashiid Ceelanyo

ARAABINEWS

Share on Facebook

Tweet

Follow us

Save