Argagixiskii ugu weynaa aduunka oo Muslimiinta laga qabtey

Madaxweynaha Maraykanka Taram ayaa xaqiijiyay ugu dambeyn in xasuuqihii ugu weynaa ee Muslimiinta Suuriya iyo Ciraaq dabar gooyay kana masuul ahaa dhulka la simida hantidooda, in lagu diley Suuriya. Warkan farxada leh ayaa looga aada soo dhaweeyay Suuriya iyo Ciraaq inkastoo dhibkii uu gaystey ayna Ka soo kabsan Karin sanado badan.

Wuxuu qixiyay malaayiin reer Suuriya iyo Ciraaq uu Ku dul dagaalamay hantidoodii kana dhigtey dhufays iyo meelo uu Ku qalo dadka. Masiibada uu gaystey lama soo koobi karo.

Dilkiisa oo yimi xilli laga adkaadey argagixisada ayaa Ka dhacay gobol Turkiga ay Jaar yihiin oo ayna joogaan maleeshiyo uu taageero Dayib Erduqaan oo lagu magacaabo ciidanka xorta ah ee Suuriya.

Xilligii argagixisadu ugu xooga weynayd waxay xasuuqdey malaayiin shacaba oo qarniyo si nabada ku deganaa, waxa la soo faqay malaayiin qabuuro, waxay burburiyeen qabriyadii rasuulada.

Sidee isku diley

Xagjir Taram ayaa sheegay in markii hawlgalka la waday uu dhiigmiiradka la baxay Albaqdaadi uu galay hog aan meel looga baxo lahayn Isla markaaba watey sadex caruura markuu arkey in meel uu u cararo ayna jirin uu kadib isku qarxiyay suunkii uu xirnaa. Waxa la xaqiijay is dilkiisa markii dhiig laga qaaday hilbihiisa uraayay.

Fuleynimo ayuu ku dhintey asagoo weliba oynaaya ayuu yiri Taram ha arkaan kuwa uu waalay in aanu geesinimo ku dhiman iyo dagaal.

Waxa nasiib wanaaga inuuna Ku bixin gacan gaalo iyo mid Muslimba laakiin isagu isqarxiyay ayuu yiri masuul Kurdiyiinta u hadlay.

Waxa hawlgalkan Ka wada shaqeeyay Kurdiyiinta Suuriya iyo ciidamo gaara oo Maraykanku leeyahay iyo helikobtaro dusha ka ilaalinaaya.

Taram ayaa u mahadceliyay wadamada Ruushka, Turkiga, Suuriya, Ciraaq oo fududeeyay sidii hawlgalkan u guulaysan lahaa.

Sawirka hoose waa aqalkii uu ku jirey dhiigmiirad Albaqdaadi oo dhulka lala simey tuulada Barisha ee Suuriya