Argagixiso ka dambeeyay gaari ku qarxay goob suuqa Muqdisho oo la qabtey: SAWIRADA qaraxa

Gaari nuuca raaxada ah ayaa goor dhow ku qarxiyey agagaarka suuqa barta ee wadada Afasiyoone ee magaalada Muqdisho.

Lama oga qasaaraha rasmiga ah ee ka dhashay gaarigaasi qarxiyey, hase ahaatee wariyeyaasheena ayaa kusoo waramaya in xaaladu iminka ay dagantahay.

Laamaha amniga ayaa xaqiijiyay inay gacanta ku dhigeen ninkii watay gaariga is qarxay, isaga oo dhaawac ah, kaasi oo iminka ku socoto howlo baaritaanno ah.

Sidoo kale Madaxweynaha Jamhuuriyadda Soomaaliya Mudane Xasan Sheekh Maxamuud ayaa sheegay in hay’adaha amniga ay ku guuleysteen inay gacanta ku dhigaan ninkii watay gaariga is qarxay.

Warar ayaa sheegaya in inta uusan Qaraxa dhicin wadada ay u xirneed Ciidamada Ammaanka dowladda Federaalka Soomaaliya maadaama la sheegay Madaxweynaha Soomaaliya uu halkaas ka dhawaa.

Kooxda Al Shabaab ayaa Masuuliyadda Qaraxaasi dusha u ritay kaas oo sheegeen in khasaaro ay ugu geysteen Ciidamo kuwa dowladda Federaalka ka tirsan.

Waxaa lagu soo warramaya in Gaariga qarxay lala bartilmaamsan rabay Kolonyada Madaxweynaha oo la filayay in halkaas ay soo maraan.

C/llaahi Warmooge

ARAABINEWS

Share on Facebook

Tweet

Follow us

Save