Madaxweynaha guusha raacday ee Asarbajaan ayaa aqbalay codsi uga yimi Armiiniya iyo Ruuushka ee ku aadan in loo kordhiyo mudada ay Armiiniya uga guurayso degmooyinka Woqooyiga dalkaasi ay qabsatey 30 sano kadibna dejisay dad ka yimi Armiiniya.
Degmooyinka Woqooyiga dalkaasi ee Armiiniya ahayd inay ka baxdo ayaa waxa ugu weyn degmada Kalbajar oo 30 sano ay deganaayeen Aseeriyiin keliya laakiin hadda guryahoodii iyo beerahoodii ay degaan Armiiniyiin.
”Waxay ahayd in degmooyinkaas ay ka baxaan maalinta beri ah haddase waxa loogu daray ilaa 10 cisho waana inay baneeyaan 25-ka bishan, ayuu yiri afhayeen u hadlay Asarbajaan, wuxuuna raaciyay in gobolada kale aanu waxba iska bedelin xilligii loo qabtey inay ku baxaan oo ah 20-ka bishan iyo kowda bisha soo socota.
Dadkii ku jiray guryaha bililqada 30-ka sano ayaa la sheegay inay xitaa soo faqdeen dadkii ka geeriyoodey, ayna badankoodu ku baxeen mudadii loo qabtey.
Waxa lagu sheegay codsiga in welli dadku ka guran alaabada badankooda, waxana la sheegayaa inay duminayaan kaniisadihii ay dhisteen.
Askarta looga diley Armiiniya
Armiiniya ayaa sheegtay markii ugu horeysay in askar badan 2500 looga diley dagaalka, ayna ku dhawaadeen in cagta la mariyo laakiin naftu ku qasabtey inay is dhiibaan sida uu sheegeen raiisal wasaaraha baxsadka ee Armiiniya ee ka baqaya in la dilo.
Rashiid Ceelaanyo
ARAABINEWS