Baqdin deg dega oo soo gashay maamulka la magac baxay Somaliland iyo yaanu qaranku inaga dumin: FAALADA MAANTA+ARAG

Sidaad kala socoteen shabakada caalamiga ah ee Araabinews waxa daraad is casilay wasiiro gacan yare u ahaa Siilaanyo una badnaa hal jufo oo deegaan ahaan ku xeersan Hargeysa oo Axmed Siilaanyo beeshiisa ay is xigsadaan ama dagaalka wada galaan.Waxase hadalhaynta ugu badan noqotey YAANU QARANKU inaga dumin.

Waxaan la soconaa in Khaatumo ay walaalahood hub iskugu dhiibeen soona xerogeliyeen maalqabeenkii ugu weynaa ee markaas xukunka hayay ee Xaglatoosiye kadibna ay bilaabeen in ay iyaga isku jabiyaan. Waxay sidoo kale ka yeeleen kacdoonka reer Awdal oo ay u adeegsadeen jufooyinka kale ee Samaroon in ay isku diraan kana soo qaado waxooda in loo ordaya kursiga madaxweyne ku xigeenka.

Waxa beesha dhexe siyaasiintooda ka qaylisiisey is casilaada wasiirada beesha dhexe oo ay ku tilmaameen burburkii waxa loogu yeero Somaliland oo iyagu sheegtaan in ay dhiig u cabeen sida aad ka arkayso hadaladooda badan (Muuqaalka hoose fiiri).

Hadalhaynta ugu badan Hargeysa ayaa ah sidii loo badbaadin lahaa maamulka ay dhisteen oo hadda ah mid ay iyagu ku burburin karaan gacmahooda.

Waligey ma maqal inta kacdoonadu jiraan iyagoo leh waxa burburaya Somaliland waxay ogyihiin in ay teendho ku xireen oo ayna danayn mar haday Hargeysa nabad tahay in meelaha kale gubtaan. Maxaase cashar laga baran karaa dhacdooyinkii u dambeeyay waa taydana lihi taadana kula lihi.

Maxamed Yuusuf

ARAABINEWS.COM