Waxa magaalada Boorama usbuuc kahor laga bilaabay waxa lagu tilmaamay naqshaqadeyn laakiin dad badan u arkayeen ushii biyaha lagu eegaayay si laandheereyaasha Hargeysa iyo Burco loogu sheego bal fiiriya sida Boorama wax uga socdaan.

”Shir waa kii Boorama loogu qabtey markii ay si xun isku cuneen ISAAQ lagua soo yagleelay waxa hadda loogu yeedho maamulka Somalilaan oo runtii aqoonsi looga doonayay Ingiriiska ayuu yiri Xuseen Warsame.

Intaas wixii ka dambeeyay gobolkan wuxuu noqday mid hoos u dega dhaqaale ahaan iyo kobacba. Ninkii Boorama lagu doortey ee Ingiriisku soo tababaray ee ina Cigaal wuxuu markiiba amray in wixii hay’addo joogo Awdal ay u dsoo guuraan Hargeysa.

Waxa halkaa ku xidhmey garoonkii Boorama ee shaqaynayaay ayuu yiri raaciyay Xuseen Warsame ilaa haddana sidii ayuu u xiran yahay. Sheekadan hadda ka socota Boorama ee dadku hadda ku baraarugay waxay qayb ka tahay hanti burburintaa ay is bideen dadka magaalada degan.

”Naqshadayn ma xuma laakiin waa markii sida saxda ah loo qabto waxa meesha ka dhisana waa qabiil dawlad is mooday ayuu qabaa Xirsi Warfaa oo jagadiisii cagafta la mariyay ilaa haddana shilin loo taagin. Waxaad ku garanaysaa maafiyonimada ma jirto Cid loo cabiray jagadooda iyo dhulkooda taas oo Ka dhigaan looguna talogalay in hadhow muran la geliyo ayuu raaciyay.

”Maamul waxa lagu yaqaan inuu qiimeeyo waxa kharash ku baxaya u celiyo kadibna hawshooda bilowdaan ama la siiyo jago u qalanta laakiin waxa socdaa waxay u egtahay boob iyo dhaqaale la dagaalan. Waxay tagaysaa rasaas sidan ay wax Ku socotaa ayuu yidhi Xuseen Warsame.

Waxa fikirkaan la qaba sheekha magaalada Sh Xasan Daheeye oo isugu qaba in waxa socda aan dadku ka aamusin ee ay dhacsadaan hantidooda. Khasaaraha dadka dhulkooda iyo guryahooda cagafta la mariyay ayaa lagu qiyaasay hal bilyan ma u malaynaysaa in maamulka beelaysan uu lacag intaa leeg helayo una quudhayo reer Awdal?

Warbixintii Maxamed Yuusuf

ARAABINEWS