Ciidamo milatari oo lagu waayay xeebta Marka

Waxa magaalada Marka laga soo sheegayaa in halkaasi lagu raadinayo doon ay la socdeen ciidamo ka tirsan milatariga Soomaaliya la rumeysan yahay inuay ku degtay Xeebta.

Doontan ayaa la sheegay in ay la socdeen saraakiil iyo ciidamo katirsan guutada 14-ka October, waxaana la soo badbaadiyay 10-askari oo uu ku jiro taliyihii ciidankaasi, halka nolol iyo geeri lagu la’yahay sadex askari oo kale.

Adeegsiga Doonta ayaa timid kaddib markii waddada Berriga ah ay argagixisada wahaabiyada shabaab ay Miinooyin ka buuxiyeen islamarkaana dhowr jeer ku dhinteen saraakiil iyo ciidamo ka tirsan Milatariga Soomaaliya.

Ciidamada 14-ka October ayaa argagixisada ka saaray Magaalada Marka ee Xarunta Gobolka Shabeellaha hoose waxaa ay sidoo kale qeyb ka ahaayeen howlgalladii lagu qabtay Bariirre, Sabiib, Caanoole iyo Awdheegle oo dhamaan ka wadatirsan Shabeellaha hoose.

Ciidanka 14ka October ayaa waxaa la aas aasay kaddib weerarkii 2017 ka dhacay Isgoyska Soobe oo ay ku dhinteen dad ku dhow 600 oo qof.

Ilaa hadda xaalku ma fiicna ayaa lagu yiri warbixin ka soo baxdey ciidanka.

C/llaahi Warmooge

ARAABINEWS

Share on Facebook

Tweet

Follow us

Save