Dawlada dhexe oo war Ka soo saartey labadii doorasho ee Kismaayo ka dhacay

Dawlada dhexe ee Somaliya ayaa war ka soo saartey laba doorasho oo is garab socda oo ka dhacay Kismaayo. Labnada doorasho ayaa waxa kala sheegtay Axmed Madoobe halka mida kale oo isna sheegtay Cabdirashood Xidig.

Wasaaradda Arrimaha Gudaha, Federaalka iyo Dib u heshiisiinta Dawladda Soomaaliya ayaa cadeeyay ineysan Aqoonsaneyn natiijooyinka kala duwan ee kasoo baxay Kismaayo kuwaas oo tilmaamaya in shaqsiyaad kala duwan mid walba gaarkiisa u sheegto horjoogaha maamulka Jubba.

Waxaana dhinaca kale Wasaaradda Walaac ka muujisay dhacdooyinka ka soo cusboonaaday Kismaayo ee ku saabsan Is caleema saarka baalmarsan habraacyada doorashooyinka, Dastuurka iyo Shuruucda Dalka.

Ugu dambayntii dawlada dhexe ee Soomaaliya ayaa sheegtay inay aqoonsan doonto oo kaliya doorasho wadar-oggol ah, lagu qanacsan yahay, xor iyo xalaal ah, islamarkaana ay goobjoog ka yihiin dowladda federaalka iyo beesha caalamka.

Waxa aad loogu baahan yahay in la helo nidaam dadku kuwa qanacsan yihiin taas oo ka imaan karta dib u heshiisiin dhaba. Kiiniya ayaa kow ka noqotey soo dhaweynta Axmed Madoobe oo ay hore u taageertay.

Waa markii sadexaad ee dawlada dhexe muujiso mowqifkeeda doorashooyinka bugta ah ee Kismaayo.

C/llaahi Warmooge

ARAABINEWS

Share on Facebook

Tweet

Follow us

Save