Dawlada Somaliya ayaa sheegtay in ay diyaar yihiin hawlgelintii maamulka hawadu oo dhamaan qalabkii lagu wadi lahaa dhamaystiran yahay. Qorshaha ayaa ah in berito la furo oo la bilaabo hawsha.
Guushan soo hoyatey ayaa aad loogu farxay ayadoo ugu dambeyn ay dalka u soo xeroon doonaan malaayiin doolar oo guryo dhaadheer looga dhistey Nayroobi , London iyo New York.
Lacagta laga qaado diyaaradaha isticmaalaya hawada dalka ayaa lagu qiyaasay sanadkii 15 milyan ugu yaraan oo doolarka Maraykanka hadayna ku dhawayn 50 milyan.
Wasiirka Duulista Hawada Soomaaliya Maxamed Cabdullahi Salaad ayaa horay u sheegay in inta uusan dhamaan sanadkan 2017 la soo wareejin doono hawada Somaliya lagana maamuli doono Muqdisho.
Muran badan ayaa ka taagnaa maamulka Hawada Soomaaliya iyada oo hay’ada qaramada midoobey u qaabilsan hawada ee loo soo gaabiyo ICAO ay dhowr jeer dib u dhigtay wareejinta.
Waxaa sidoo kale la rajeynayaa in shaqaalaha Hay’adda ee Nayroobi ku shaqeeya ay u soo wareegaan Magaalada Muqdisho.
C/llaahi Warmooge
ARAABINEWS