Kadib kibir xoogan oo Kiiniya ku bilowdey dawlada Somaliya iyoo shacabka Somaliyeed ayaa waxa la filayaay in dawlada Somaliya haba taag dareetee ay ka falceliso talaabooyin guracan ee Kiiniya oo dabada ku haysa Maraykan iyo Ingiriis.
Wasaaradda Caafimaadka Xukuumadda Soomaaliya ayaa ku wargelisay Hey’addaha Qaramada Midoobey, Hey’adaha ku naaxay lacagaha lagu soo qado hadayba jiraan magaca Somaliya in aanay ka qeyb geli doonin dhammaan shirarka, Siminaarada iyo Tababarada ee ka dhacaya Nayroobi.
Waxaa ay ugu baaqday in shirarkaas iyo Siminaarada lagu qabto dalka gudihiisa ama loo bedelo dal kale, si wakiiladda wasaaradda ugu fududaato dhanka safarka.
Shirkii Golaha Wasiirada ayaa laga soo saaray go’aan ah in Wasaaradaha Xukuumadda inay ku wargeliyaan Hey’adaha ay bahwadaagta iyo wada shaqeynta leeyihiin in shirarkii lagu qaban jiray Nayroobi laga raro, isla markaana loo wareejiyo magaalooyinka sida Kigali, Kampala iyo Addis Ababa.
Dawladda Kiiniya ayaa dhowaan garoonkeeda ka celisay shaqaale ka tirsan wasaaradaha dalka iyo masuuliyiin dawladeed. Waxayna martigelisaa mucaarad ku sheega. Wax qarson maaha shirqoolada reer galbeedku la wadio ee Kiiniya ka fuliso Koofurta dalka iyo weliba mujo xaabinta nidaamka dawladeed si ha iyo jeer Somalidu ugu baahato, uguna hamityin inay aayahooda ka tashadaan.
Inkastoo talaabadani tahay mid fudud haddana waxa la filaayay in Somaliya ku soo rogto cunaqabatayn dhaqaale oo ay kordhiso cashuurta badeecada ka timaada Kiiniya.
Waxa kale oo fiican in gebi ahaanba la joojiyo dhaqaalaha xoogan ee askartoodu ka qaadato dalka. Somalida ayaa geliyay Kiiniya malaayiin doolar bixiyayna cashuurta ugu badan magaalada Nayroobi ee daxalaysatay.
C/llaahi Warmooge
ARAABINEWS