Sucuudiga oo haweenkooda u ogolaadey in laysanka gaadhiga qaadan karaan. Sucuudiga waa dalka kaliya ee aduunka ee haweenku madnuuc ka yihiin in ay wadan karaan gawaadhida.
Dhaqankan haweenka loogu diidayo gawaadhida ayaa soo jirey muddo aad dheer wuxuuna ku salaysnaa madhabta Wahaabiyada oo Sucuudigu aduunka ku faafiyo.
Madhabtaas ayaa waxa sii faafiya argagixisada aduunka Muslimka faraha kulul ku haysa.
War digrii ah oo ka soo baxay boqorka dalkaasi ayaa loogu fasaxay haweenka in ay laysanka gaadhiga dalban karaan.
Boqor Salmaan ayaa jabiyay xadhig kala xidheyay dadka Sucuudiga. Dhaqankan ayaa inta badan loogu diidanaa haweenka in ay xor noqon karaan ayadoo wax diina shaqo ku lahayn.
Digriiga boqorka ayaa faray wasaarado badan sidii loo dhaqan gelin lahaa. Talaabadan ayaa waxa diidi doono xagjiro badan oo ka mida bulshada Sucuudiga oo diidan xaqa haweenku u leedahay in si nabada keligeed ku socon karaan kuna safri karaan.
Haweenka Sucuudiga ayaa kaliya loo ogolyahay in ay xirtaan dharka madow wejigana qarsadaan. Dhaqankaas oo ay ku faafiyaan dunida Muslimka ah.
Digriigan ogolaanaya in haweenku wadan karaan gawaadhida ayaa dhaqangeli doona sanadka dambe bisha Juun. Boqorka Salmaan ayaa sheegay in ayna jirin diin u diideysa haweenka in ay gawaadhida kaxaystaan.
Dib u dhaca in la hirgeliyo digriigan isla markiiba ayuu boqor Salmaan ku tilmaamey in at tahay oo kaliya in la hubiyo haykalada wadooyinka iyo hagaajinta amniga haweenka.
Rashiid Ceelaanyo
ARAABINEWS