Askari ka tirsan ciidamada dowlada Somalia ayaa fiidnimadii caawa xiligii afurka ka dib dil iyo dhaawac ugu geystay magaalada Muqdisho labo wiil oo la dhashay iyo hooyadiis.
Falkan naxdinta leh ayaa ka dhacay xero ay degan yihiin dad barakacayaal ah oo ku taalla beerta daraawiishta ee magaalada Muqdisho.
Goob joogayaal ayaa sheegaya in askarigan uu toogasho ku dilay walaalkiis ka weyn, isagoo dhaawacay wiil kale oo la dhashay iyo hooyadiis, sababta rasmiga ah lama oga balse waxaa loo maleynayaa in falkan uu ka dhashay muran dhinaca qoyska ah.
“Askarigan ayaa markii uu falkan geystay waxaa uu Isbitaalka ula cararay hooyadiis iyo wiilka walaalkiis ah ee uu dhaawacay, markii uu gaarsiiyeyna wuu baxsaday” sidaa waxaa yiri goob jooge la hadlay warbaahinta.
Waxaa arintan si weyn uga argagaxay qoysaska barakacayaasha ah ee ku dhaqan xerada beerta Daraawiisha ee degmada H/wadaag oo falkan uu ka dhacay, halkaasoo caawa si weyn looga hadal hayo dhacdadan.
C/llaahi Warmooge
ARAABINEWS