Doorashadii Somaliya oo la rabo in gacanta loo geliyo kooxda sheegata beesha caalamka

Waxa dhawaan looga adkaaday madaxweynaha Somaliya nidaamka doorasho ee uu rabay, waana lagu soo celiyay nidaamka fashilka ah ee doorashada dadban ee lagu kala laaluushka farabadan. Waxana dalka gacanta loo geliyay maamul juufeedyada inkastoo barlamaanku ansixiyay markii dambe.

Ugu dambeyn heshiiskii doorasho ee uu ansixiyay barlamaanka ayaa wadatashi ay galeen musharixiin hore u fashilmey dalkana inay gadaan ku dhawaaday iyo kooxda sheegata beesha caalamka ay isla qaateen in doorashada uu ku soo bixi karo Farmaajo.

”Waxay bilaabeen inay diidaan gudiyada doorashada ayagoo u malaynaya in iyagu wax dooranayaan ayuu yiri Cali Calasow. Waxana wata kooxda beesha caalamka haddana waxa gudigii uu doortey ka noqdey horjoogaha Kiiniya wadato ee Axmed Madoobe.

Horjooge Siciid Deni oo la filaayay inuu isna ka noqdo heshiiskii uu gacantiisa ku saxiixay ayaa kooxda beesha caalamku u sheegtay inuu Axmed Madoobe ku daydo, ilaa haddana waa is nadiifin rabaa ayuu raaciyay Cali Calasow.

Dawlada ayaa sheegtay in haddii doorashadu dib u dhacdo ay ka masuul yihiin kooxdan fashilmey ee sheeganaysa musharixiin iyo wixii qas dhacaba, waxase wada kooxda sheegata beesha caalamka. UJeedada ayaa ah sidii booska looga tuuri lahaa Farmaajo oo gacanta loogu dhigi ama loo iibsan lahaa xildhibaanada soo baxaya.

”Waxa la rabaa in la soo saaro hal musharax oo ku daba faylsan kooxda beesha caalamka sheegata si Somaliya hog weyn ugu sii dhacdo ayna ka qaa=saarto sanado kale ayuu yiri Cali Calasow. Ilaa haddana iskuma raacsana hal musharax.

C/llaahi Warmooge

ARAABINEWS