Ciidanka xooga dalka ee Danab ayaa saaka argagixisada ka xoreeyay degmada Janaale ee gobolka Shabeelaha hoose. Dadka shacabka ee ku nool magaalada ayaa neef qabow ka soo baxdey kadib markii ay muddo 9 sanno ku hoos nooleeyeen dhiigmiiratada, ayna bixin jireen lacago baada.
Argagixisada ayaa welli jooga deegaano hoostaga Shabeelaha hoose oo ay ku ciqaabaan dadka baadna ka gurtaan. Ciidanka Danab ayaa markey ku baxeen argagixisada ay Isla markiiba ooda jabiyeen maadaama ay adeegsanayaan caruur aan caqligoodu ku filneyn.
Argagixisada ayaa isku dayday inay ku weeraraan gaari ay ka soo buuxiyeen walxaha qarxa, waxase lagu qarxiyay banaanka magaalada.
Dad aan badneyn ayaa Ka qaxay magaalada maadaama argagixisada markiiba ooda jebiyeen ayuu yiri taliyaha hogaaminaayay ciidanka.
Si kastaba ha ahaatee guusha ciidanka ayaa aad loo soo dhaweeyay waxayna keenaysaa in muddo kooban lagu xoreeyo deegaanada maqan.
C/llaahi Warmooge
ARAABINEWS