Faahfaahin xasuuq foolxun oo argagixisada shabaab la baxdey ku dishey lamaane caruur leh deegaanka Awdiinle ee gobolka Bay. Dadka deegaanka ayaa argagax ka qaaday falkan argagixisadu ku xasuuqdey lamaanaha.
Gudoomiyaha degmada Awdiinle oo warkan xaqiijay ayaa sheegay in argagixisadu u dheceen guriga lamaanaha xilli ay aftur ku jireen isla goobta ku dileen.
Caruurtii aabahood iyo hooyo lagu hor diley ayaa ka qaaday naxdintii ugu weynayd aduunka, waxana loo geeyay dad qaraabada ah.
“Iyaga oo xaafadooda jooga oo afuray ayaa gurigooda loo galay, laba qof oo is qabtay ayay ahaayeen, caruur ayay isku dhaleen, argagixisadii dilka fulisay goobta way ka baxsadeen, balse ciidamo ayaa ku baxay waxaan rajeyneynaa in gacanta lagu soo dhigo gacan lagu dhigo dhiigmiiratada.” Ayuu yiri Gudoomiyaha Awdiinle.
Argagixisada ayaa lagu yaqaan inay fuliyaan falal diinta ka baxsan umana kala soocna birimageyda diintu xaraameysay iyo dadka kale.
Waxa uu sheegay gudoomiyuhu in aabahan iyo hooyadan ay ahaayeen dad ganacsato ah oo caruurtooda u shaqaysta.
C/llaahi Warmooge
ARAABINEWS