Fanaanada aadka loo jecelyahay ee Safiyo Tusmo ayaa lagu soo dhaweeyay magaalada Hargeysa. Fanaanada oo ku nool qurbaha gaar ahaan Maraykanka ayaa sheegtay inay ku faraxsan tahay imaatinka Hargeysa Una mahad celinayso fanaaniinta soo dhaweeyay.
Mar waxa laga weydiiyay sidey dareemayso ayay tiri farxad ayaan dareemayaa waana wax aan filanayn waayo waxa aad Ka haysato dalka markaad qurbaha joogto iyo markaad timaad isma laha.
Fanaanada Ubax Fahmo oo iyadna Ka mid ahayd fanaaniinta Ku soo dhaweeyay Hargeysa ayaa sheegtay inay faraxsan tahay waayo waxaan Ka mid ahay taageereyaasha Safiyo Tusmo.
Safiyo Tusmo ayaa ah jilaa weyn oo aad looga jecelyahay dalkoo dhan. Waxa iyaguna ciyaar ku soo dhaweeyay kooxda Halkar waxana goobta Ka Hadley gudoomiyaha kooxdaasi oo sheegay inay aad u sugayeen Safiyo Tusmo.
Fanaanada oo wadata caruurteeda ayaa dalka u yimi inay soo barto soo aragto dadkeeda dhamaan. Soo dhaweyn kale oo weyn ayaa Ku sugeysa Boorama iyo caasimadda ay Ku dhalatey ee Araabi.
Maxamed Yuusuf
ARAABINEWS