Goobjooge ka waramay sida maanta uu ku dhintey askari gaadhi Hindi waday

Waxa maanta si ka duwan sidii hore ku dhintey askari ka tirsan ciidanka dawlada oo lagu toogtey ishoyska Cali Kamiin ee magaalada Muqdisho halkaas oo ciidanku ku leeyihiin goob ay amniga ku ilaaliyaan.

Sida uu ku waramay goobjooge xilliga dilka uu dhacayay ayaa sheegay in dilka uu yimid kadib markii askariga la dilay uu isku dayay in bajaaj uu marsiiyo waddada oo ciidamada u xirneyd, hase yeeshee taasi ay muran ka dhalatay.

“Waxaa xidhnayd waddada, wiilka bajaajta watay ayaa arkay askari uu yaqaan kadibna waxaa uu ka codsaday in uu ka gudbiyo askarta, waxayna isku raaceen oo ay isku afgarteen in askariga bajaajta uu wado, wiilka bajaajta lahaana gadaal ayuu raacay, waxaa uuna iska dhigay qof bajaajta saaran, kadibna waxaa ay gaareen askartii, kuwaasi oo diiday in ay bajaajtu gudubto, muran dheer kadib askartii bajaajta ayay rasaas u fureen.” Ayuu yidhi goobjoogaha.

Waxa rasaastu dishey askariga gaari hindiga xilligan waday halka kii hore u waday uu dhaawac soo gaaray arintana waxay ku timi is ixtiraam la’aan ka timi askarta dhexdeeda.

Haddii askariga gaari bajaajta wada uu maqli lahaa kan kale waxaasi ma dhaceen. Waxa muuqata in askartiiba akhlaaqad lahayn ayuu yiri Cali Calasow oo ka faalooda siyaasada Koofurta Somaliya.

C/llaahi Warmooge

ARAABINEWS

Share on Facebook

Tweet

Follow us

Save