Gudoomiyaha degmada Boorama oo faahfaahiyay weerar lagu qaaday

Gudoomiyaha degmada Boorama Saleebaan Xasan Xaddi (caseeye) ayaa faahfaahiyay weerar xalay saqdhexe lagu soo qaaday gurigiisa. Saleebaan ayaa sheegay in aanu joogin guriga la weerartay ee uu joogey guri kale. “Xalay abaaro 2-dii habeenimo kahor ayay ahayd markii weerarka lagu soo qaaday guriga ayuu yiri Saleebaan (caseeye).

Marka hore dhagxaan ayaa lagu soo tuurey guriga markii cidi soo bixi weydayna waxa lagu soo ridey rasaas nool oo weliba lagu dhiftey dhinaca xaaska iyo Caruurta hurdeen ayuu raaciyay.

Waxase u babac dhigey ilaalada guriga oo Ka jawaabay weerarka ayuu yiri Saleebaan caseeye. Waxay rabeen inay marin habaabiyaan ilaalada laakiin uma suurtoobin.

Mar la weydiiyay waxa ay salka ku hayso weerarkan lagu soo qaaday ayuu tilmaamay in ilaa hadda tuhunka jira uu yahay dad laga qaaday dhul danguuda laakiin haddana jiraan arimo kale uuse ka warsugayo baadhitaanka.

Boorama ayaa ka mida magaalooyinka ugu degan dalka Somaliya, waxa gudoomiyuhu qabaa in colaad gaara ayna jirin ee ay tahay hawsha danta guud ee uu hayo.

Weerarada noocana ayaa ah sidoodaba kuwo magaalada aad looga cambaareeyay xilli dalka ayna ka jirin awood laga baqo iyo kala dambeyn, waxay aakhirkana tegi doontaa aargoosi qabiil.

Maxamed Yuusuf

ARAABINEWS

Share on Facebook

Tweet

Follow us

Save