Gudoomiyaha barlamaanka Puntland ayaa is casilay isagoo ka hadlay is casilaadiisa. Gudoomiyaha ayaa shaqada hayay ilaa markii la doortey madaxweynaha Puntland. Gudoomiyaha oo la hadlayay saxaafada ayaa sheegay in sababta uu isku casilay ay tahay ciidan la keenay barlamaanka iyo shaqadiisa oo uu wadan kari waayay.
Beesha Warsangeli ayaa iyadu tabanaysa cadaalad xumo iyadoo lala simay jufo ka mida Majeerteen oo u badan lahaanshaha Puntland.
Gudoomiyaha Baarlamaanka maamul goboleedka Puntland ayaa waxa uu hadalkiisa ku bilaabay “Sababta aan isku casilay waa mooshin layga keenay, ciidammo la wareegay xarunta baar-lamaanka saaka iyo in warar la isla dhexmarayay oo ahaa in la qorsheynayo in kursiga laga eryo.
Sidoo kale waxa uu sheegay in mooshin laga keenay xil qaadistiisa aan isaga la soo marin kaas oo uu sheegay in sifo sharci daro ah loogu gudbiyey ku xigeenkiisa, taas oo uu ku tilmaamay inay tahay inqilaab loogu tala galay.”
Dhinaca kale waxa uu ka hadlay xildhibaanada mooshinka ka keenay waxaanu mar kale yidhi “Xildhibaannada mooshinka iga keenay waxay isugu jiraan saddex qaybdood oo kala ah; kuwo ku doodaya inaan dowladda difaacayo, kuwo ku doodaya inaan galay kaalintii madaxweyne ku xigeenka oo aan madaxweynaha ku haysto xilka uu hayo iyo xildhibaanno ka tirsan guddiga joogtada oo aan howshooda kasoo bixin oo ka baqaya inaan sharci kasoo saaro arrintaas.”
C/llaahi Warmooge
ARAABINEWS.COM