Halista ay gelin karaan dalka kuwii badda gadey dastuur gaalana u keenay: WARBIXIN

Waxa maanta magaalada Muqdisho ku shirey horjoogeyaasha ururo magac Somaliyeed la baxay oo intooda badan aan ku jirin nidaam xisbiyeed saxa laakiin horjoogeyaashoodu hore dalka ugu rideen hog ilaa hadda laga soo bixi kari la’yahay.

” Waxaa welli niyadeyda ku jira mugdigii dalkani ku jirey markii fadhiid Shariif sh Axmed iyo Shariif Xasan maamulayeen iyo hogii ay dalkan geliyeen, waxa ii soo raaca sidii fududeyd ee badda loo gatey ayuu yiri Cali Calasow.

Waxaan weliba xasuustaa sida dastuurkii qaranka ciida loogu daray ee loogu bedelay mid gaaladu wadato oo dhaqankeena iyo diinteena weerar cad Ku ah ayuu raaciyay. Hadda waxa dastuurkaas ansixiyay qodobada ugu gaalaysnaa Xasan Cali Kheyre inkastoo haweenay la eryanaayay.

Waxaan xasuustaa sidii dalkan loogu jeexay Jufo Jufo ee loo hirgeliyay goboleysi jufeysan weliba la rabo in dadkii Somaliyeed la yiraa xad ayaad kala leedihiin. Weynu ognahay kii xilligiisa waxaas hirgeliyay.

Inta sawirka hoose iiga muuqata waxa ku jira ku buuxsi Jufo ahaaneed laakiin waxaan shaki iiga jirin akhristow cida maalgelinaysa iyo hantidii qaranka oo lagu dheelayo.

Waxaan ku niyad samahay in hore isku soo sharaxeen laakiin biyaha la raaciyay, haddana biyaha la raacin doono waayo xildhibaano dhowr ah mooyee inta badan waxa soo noqonaya kuwa hadda jooga maadaama lacagta iyagu haystaan iyo odayaasha xulaya.

Somaliya waxay rabtaa hogaan xalaala oo dadkan iyo dalkan jiheeya. Ma odhan karo Farmaajo wax badan ayuu qabtey laakiin ugu yaraan waxaad dareemi kartaa in Somaliya aan lagu socon karin inkastoo bilihii u dambeeyay xukunkiisa si fiican looga adkaadey oo dib loogu celiyay wadadii fadhiid Xasan Sheekh.

Waxaadse waxaas oo dhan ku ilaabi kartaa waxa taagan markaad aragto in Somali ahaan aan nasiib xunahay ilaa haddana uu Farajkii Rabi welli inoo maqan yahay hogaan ahaan oo ah halka aan ka liidano.

Warbixintii C/llaahi Warhaye

ARAABINEWS