Monday, April 22nd, 2024
header










Meta







Heshiiska badda ee Soomaaaliya iyo Turkiga yaa ka naxay ma Axmaarka mise??? XASAASI

Turkiga iyo Soomaaliya ayaa qalinka ku duugay heshiis labada dhinacba dan u ah oo soo socday ilaa dawladii hore ee madaxweyne Farmaajo. Waana talaabo wanaagsan oo Xasan Sheekh lagu qanciyay inuu qaado oo heshiiskaa dhamaystiro. Heshiiska waxa awal diidanaa dawladaha kooxda Xalane ee jooga Muqdisho iyo badda Soomaaliya.

Haddaba heshiiska oo aan haba yaraatee qorshaha ugu jirin Xasan Sheekh oo la garanayo inuu yahay fadhiid weyn oo ay keensadeen kooxda Xalane iyo Imaaraadku, waxay kedis ku noqotey kooxda markii uu fuliyay oo saxiixay heshiiskan.




Imaaraadka oo dabada uu ku wato Ingiriiska iyo Maraykanku aad ayay uga naxeen waayo marnaba ma filayn in shaqsi ay keensadeen uu ku dhaqaaqayo talaabo lidi ku ah siyaasada guud ee ay ka leeyihiin geeska Afrika.

Ingiriisku wuxuu muddo 36 sanno ah soo naasnuujiyay maamulka gooni goosadka ee hadda lagu kala tagey, wuxuuna ku taamayay inuu mar uun ku dhawaaqo inuu aqoonsado, wuxuuse ogaaday inayna suurtagal ahayn maadaama hal jufo keliya uu wato. Wuxuuna aakhirkii ka saxiixay fadhiidhka weyn ee Shariif sheekh Axmed erayada Soomaaliya iyo Somalilaan oo u hirgashay maadaama uu gooni goosadka dhinac ka dhigay shirkii London 2012.




Jabkii xooganaa ee ka raacay gobolka Soolna waxay albaabka u soo xirtey khariidad beena uu u la wareego adduunka iyo weliba waa gobol wax kasta leh sida lacag u gooniya, booliis u gooniya iyo calan u gooniya, ma oga in intaas ayna jirin wax ka hortaagan maamul jufeedyada ka jira dalka.

CAQABADA HESHIISKA

Haddaba heshiiska la saxiixay waxaan shaki ku jirin inuu caqabad xoogleh ku yahay isla kooxda Xalane ama reer galbeedka iyo Carabta kabaha u qaada sida Imaaraadka iyo Sacuudiga waayo waxay Turkiga ka reebeen dariiqa Hindiya iyo Yurub. Muddo aad dheerna waxay isku dayeen inay go’doomiyaan ee keliya waa go’doomin kari waayeen meesha uu ku yaalo awgeed iyo weliba awoodiisa milatari iyo dhaqaale oo sii kordhaysa.




Turkiguna inta uu xisbiga Rajab Dayib Erduqaan joogo ma noqonayo kuwo kabaha u qaada danaha kooxda Xalane ee ku wajahan Soomaaliya, waa haddii uu helo wehel dhinaca Soomaaliya ah.

ITOOBIYA IYO HESHIISKA

Mala dhihi karaa heshiiska Itoobiya ayaa aad uga naxday jawaabta koobani waa MAYA, waxaase laga yaabaa inaad la yaabto, waayo Itoobiya oo dal faqiira weliba nin Oromo ka taliyo inkastoo uu Axmaar u adeego, haddana waxaaan shaki ku jirin inaanu u soo socon inuu qaato bad ay leedahay Soomaaliya oo dego kadibna maraakiib ka rarto, si kasta oo uu u riyoodo.




Taas waxay dhacaysaa hadii uu dagaal u diyaaryahay weliba ay gadaal ka wadaan isla kooxda Xalane, isagoo weliba og inaanu ka dhaafayn waxkasta oo dhaca iyo awood kasta oo caawisa. Marka waxaan dhihi karnaa waa iska riyo iyo maaweelo. Intaas hadda Xasan Sheekh yiri ayaa ku filan, anagoo weliba og inuu is leeyahay siyaasad kale ka dhex raadi, maadaama fartu isaga ku godan tahay ilaa hadda.

Isku soo duuboo heshiiskani wuxuu naxdin ay qarinayaan ku yahay kooxda Xalane. Turkiga oo yimaada badda Soomaaliya waxay ka dhigan tahay in markab Sooomaaliya ogoshahay mooyee aanu iman karin mid kale, taas oo ka dhigan in xadka dalka ee dhinaca bada uu sugnaan doono.




Dabcan hawshu waa inay yeelataaa faaiidadeeda labada dhinacba, inkastoo Turkigu yahay dal hadda farsamo ahaan aad u kobcaya, haddana maamulida hawshaan kharashkeeda ayay wadataa, Turkiguna kelidii ma awoodi karo waayo maba hayo dhaqaale dheeri ah, waana ta keentay inay suuqa ku jirto in boqolkiiba 30 loo ogolaaday inay qaataan kheyraadka badda ka soo baxaya, halka hadda boqolkiiba boqol ay gurtaan reer galbeedka iyo Eeshiyaanku.

C/llaahi Warhaye

ARAABINEWS

 



Readers Comments (0)

Comments are closed.

Wararka xiga

Iiraan oo gaartay lix guul oo horleh weerarkii Yuhuuda

April, 16, 2024
Weerarkii Iiraan ay ku qaaday Yuhuuda ayadoo la ...

Yuhuuda oo qiratay in saldhig milatari iyo gego diyaaradeedba ku daayeen

April, 14, 2024
Weerarki xalay ee Iiraan ku qaaday Yuhuuda oo ...

Maraykanku ma ku dhacaa inuu weeraro Iiraan kadib weerarkii Yuhuuda?

April, 14, 2024
Iiraan ayaa hurdada u diiday Yuhuuda iyo kooxda ...

Wadamada Kuwayd, Qadar oo Maraykanka u diiday

April, 13, 2024
Wadamada Kuwayd iyo Qadar ayaa Maryaykanka u diiday ...

Iiraan oo maskaxiyan u dishay Yuhuuda xilli ayna far

April, 13, 2024
Iiraan ayaa wacad ku martay inay ka aargoosato ...

Dhacdooyinka

Sucuudiga oo safar raali gelina ugu tagay dabadhilifka Yukrayn

February, 26, 2023
Ayadoo madax ka tirsan Sacuudiga ayna weligood booqan ...

Dhulbahante oo ugu dambeyn ku heshiiyay inay is xoreeyaan

December, 31, 2022
Dhulbahante oo caadiyan ka kala adeegta maamul jufeedyada ...

Imaaraadka oo qirtey inay dhaceen maamulka Somalilaan

December, 29, 2022
Itoobiya ayaa iyadu ka baxday saami uu Tigreegii ...

Nin gabdhaha daroogeeya kadibna muuqaal ka duubta oo la qabtey

November, 20, 2022
Muqdisho caasimadii hore ee dalka ayaa noqotey bahalo ...

Ruushka iyo Shiinaha oo noqday saaxiibka keliya ee Somaliya

November, 20, 2022
Kooxda Xalane ayaa markale Somaliya ku giijisay cunaqabataynta ...

Qadar oo koobka adduunka ka faaiidey dad badan oo diinta qaatay

November, 20, 2022
Waxa furmay koobkii kubadda cagta adduunka waxana guuldaro ...

Madaxweynaha FIFA oo reer galbeedka ku tuntey

November, 20, 2022
Ayadoo maanta ay bilaabmayso koobka kubadda cagta aduunka ...