Horjoogaha maamulka Butlaan ayaa diidey sharciga doorashada dalka ee uu ansixiyay barlamaanka dalku. Wuxuu dhinaca kalana dalbanayaa in aan muddada loo kordhin madaxda qaranka ee aanu rabin in doorasho loo qabto.
Horjooge Siciid Deni oo ku xiran gaalada loo yaqaan beesha caalamka ayaa ciyaaraya kaadh uu lacag iyo taageero kaga helo beeshaas la baxday caalamka. Wuxuuse qabtey shir fashilmey oo xataa ay reer Butlaan u dhanayn.
”Dawlada waxa ka go’an inay sharciga iyo qawaaniinta dalka fuliso. Siciid Deni wuxuu qabaa in dalka welli ka jirto fowdadii qabaliga ahayd iyo hogaamiye kooxeedyo. Ma oga in argagixiso burburisay waxaas oo dhan ayuu yiri Cali Calasow oo Muqdisho jooga.
Wuxuu rabaa in maamul jufeed ay talada qaranka duufsato ayadoo la xaqirayo beelaha kale oo sheekadu dib loogu celiyo sidii Mahiiga iyo fadhiid Sheekh Shariif ku wadeen ama fadhiid Xasan Sheekh ayuu yiri Cali Calasow.
Si kastaba ha ahaatee dawlada oo lagu bartey dulqaad waxa aad uga gariirsan guulaha ay gaarayso kooxda beesha caalamka iyo kuwa ay ku adeegtaan.
C/llaahi Warmooge
ARAABINEWS