Ictiraafkii Somaliland ma wuxuu iskugu soo biyo shubtey afar magaalo aan aduunka ku khiyaano iyo hal milyan oo qof

Sida laga warqabo waxa maamulka Somaliland sheegtaa in ay afti ka qaadeen dadka degan deegaanada gobolada Woqooyi Galbeed, Togdheer, Sanaag iyo Awdal inkastoo muddo kadib la bixiyay gobolo qabiileysan oo doorashooyin iyo arimo siyaasadeed lagu rabay.

Marnaba gobolka Sool kama dhicin wax doorasho ku saabsan wuxuuna gobolku si toosa u hoostagayay Puntland ilaa iyo intii ay dadka reer Sool diideen maamulka Puntland oo reer kaliya ku shubtey taas oo ilaa hadda socota.

Waxay kale oo ay sheegtaan in boqolkiiba 97% u codeeyeen in ay ka go’een Somaliya inteeda kale oo uu ka jirey burbur sidii dalku u burburey sanadii 1991.

Waxay kaloo sheegtaan in May 18 dib ula soo noqdeen waxa ay ku tilmaamaan madax banaanidii 1960 khasaartey inkastoo ay ku guuldaraysteen in ay ka dhaadhiciyaan xataa odayga Hargeysa jooga laakiin dadku iskaga qancay fowdada ka jirta Koofurta Somaliya maadaama wax u dhaama ayna jirin waxa hadda la haysto.

Hadaba masuuliyiin u hadley maamulka Somaliland iyagoo dhalinta mudooyin badan u sheegayay in ay go’een oo boqolkiiba 97% u codeeyeen ”HAA” in hadda ay raadinayaan HAL MILYAN oo qof oo ictiraaf u keena. Taas oo ay la yaabeen taageerayaasha gooni goosadka oo hadda quus ka qaaday beentii aduunka lala marayay.

Waxa sidoo kale gaabsaday saxaafadaha aduunka oo been qori jirey oo hadda ka hadla nidaamka federalka iyadoo dawlad kasta ka leedahay Somaliya dan gaara maadaama ay soo noqotey kala dambeyn YAR.

Wargeys ka soo baxa Hargeysa ayaa ku qosley waxa masuuliyiintaas ka soo baxay wuxuuna qorey ”dunida tixgelin wayday sadex milyan oo ay sheegeen in HAA ku codeeyeen miyaa hadda tixgelinaysa HAL MILYAN la soo dhoodhoobey”, wuxuuna raaciyay war caruurta beenta aan ka dayno”.

Talada halka Milyan ayaa ka timi Ingiriiska oo ah halka ugu weyn ee gooni goosadku isku haleeyo markasta iyagoo idaacada dalkaasi laga leeyahay ee BBCsomali ay laba wariye u fadhiyaan magaalooyinka Hargeysa iyo Burco inkastoo sidii internet-ku u bilaabmey aanay dadku ku xirneyn, kuna xiran yihiin shabakadaha xorta ah oo hadda la helo codka dad ayna jeclayn in la maqlo codkooda sida reer Awdal iyo Khaatumo.

Shabakad aad loo akhristo Somaliland oo gooni goosad ah ayaa warkeeda ku soo koobtey ” ilma caruura dadku maaha ee maamulka Siilaanyo hala yimaado wax dadka u cuntama, waxayna ku sii dareen in ictiraafku yaalo lugaha Xasan Sheekh” halkaasna laga doono hadduu diidana aan u bandhigno aduunka siiba Ingiriiska” ayay ku soo xirtey maqaal dheer.

Maxamed Yuusuf

ARAABINEWS