Imaaraadka ayaa sheegay in ayna cabsi ku abuurayn qaraxyada argagixisada shabaab

Abudabey–Wasiirka Arimaha Dibada dalka Isu taga Imaaraadka Carabta ayaa u sheegay Warbaahinta in weerarkaasi uusan khasaaro kasoo gaarin Saraakiisha Imaaraadka ee la socday gaadiidka kolonyada ah ee Ismiidaaminta lala eegtay.

Wuxuu sheegay inay aad uga xun yihiin dadka Somaliyeed ee weerarkaasi ku dhintay iyo kuwa ku dhaawacmay, maadaama ay tahay Bil ramadaan oo ay dadka sooman yihiin.

Wasiirka Arimaha Dibada Imaaraadka Carabta Dr Anwar Bin Mohammed Gargash, ayaa sheegay tallaabada qaraxa lagula beegsaday inay ku dhiiragelinayso inay Somalia kasii howlgalaan, balse wuxuu meesha ka saaray inay cabsi darteed u joojiyaan howlaha Somalia ay ka hayaan.

Dr Anwar Bin Mohammed Gargash, ayaa soo hadal qaaday ciidankii ku dhaawacmay weerarkaasi, wuxuuna sheegay in Dowladiisa ay caafimaad dibada ah u qaadi doonto Askarta waxyeelada ay kasoo gaartay weerarka.

Inta la xaqiijiyay weerarkaasi shalay Muqdisho lagula eegtay Saraakiisha Imaaraadka carabta ayaa waxaa ku geeriyooday 15-ruux oo ciidan iyo shacab ka agdhawaa goobta qaraxa uu ka dhacay isugu jiray.

Rashiid Ceelaanyo

ARAABINEWS.COM

Share on Facebook

Tweet

Follow us

Save