Jabuuti oo cunaha u gashay Kiiniya kursiga Afrika ee qaramada midoobey

Dowladaha Jabuuti iyo Kiiniya ayaa maanta ku tartamay kursiga aan joogtada ahayn ee Golaha qaramada midoobay ee dalal khaasa ku amar ku taagleeyaan. Kursigan ayaa hore midowga Afrika ugu doortey Kiiniya laakiin taasi ma caawin Kiiniya.

Waxaa codka dhiibanayey 192 waddan halka wadanka laga reebay uu ahaa Finasuweyla, waxayna dawladda ku guulaysata kursigaas muhiimka ah ku matali doontaa guud ahaan qaarada Afrika muddo laba sano ah.

Kiiniya ayaa Codayntii maanta uga guuleysatay Jabuuti kursiga aan joogtada ahayn ee golaha amaanka qaramada midoobay balse ma helin codadkii loo baahnaa ee ay ku garaaci lahayd.

Kiiniya ayaa heshay 113 cod halka Jabuuti heshay 78 oo keliya. Waxase xeerka u yaala tartanada noocana dhigayaa in dalku helo ugu yaraan 120 cod taas oo Kiiniya ku fashilantey markaad eegto baaxada ay le’egahay.

Beri oo Khamiisa ayayna codaynta labaad dhacaysaa. Xildhibaanada Kiiniya ayaa qaylo ooda jebiyay markii dalkoodu cidla diri waayay Jabuuti oo dal yara. Kanada oo malaayiin doolar ku bixisa kursigan ayaa iyana la cunay isla maanta.

C/llaahi Warmooge

ARAABINEWS

Share on Facebook

Tweet

Follow us

Save