Kacdoonka Adal oo ku guulaystay in shirkadii Shiinaha ahayd ee guranaysay khayraadka Adal ka joojiyaan

Muqdisho 05 Jan 2015–Xildhibaanada reer Adal ee ku jira barlamaanka Somaliya ayaa ku guulaystay in shirkad Shiine ah oo macdan ka guranaysay buurta Siimoodi ee ka tiran degmada Baki inay shaqadii ka joojiyaan iyadoo shaqaalihii u shaqayn jirayna la geeyay goob aan ka fogeyn.

Goobta laga qodayay macdanta ayaa sun ah waxayna u baahan tahay in aan sidaa loo tagin ee la keeno khuburo ku takhasusay deegaanka.

Shirkadan ayaa isticmaalaysay qalab duugoobey taasoo keentay in ay ku dhintaan xoolo nool iyo deegaankii oo ay sun kaga tagtey.

Kacdoonka ka jira Adal ayaa maraya halkii ugu saraysay waxana lagu talo jiraa in la curyaamiyo ilaha dhaqaalaha ee kooxda gooni goosadka ah.

Xildhibaanada ayaa cadaadis saaray dawlada Xasan Sheekh inkastoo ay ku noqotey dad badan yaab sida Xasan Shekh u fuliyay taladan waxtarka u leh dadka Somalida.

Maamulka Somaliland oo hore u qaatay malaayiin doolar iyo shirkada oo iyadna raratay tobaneeyo kontaynar ayaa ku dhiftey malaayiin doolar iyadoo aan ognahay qiimaha macdantani ka joogto aduunka lamina filayo inay sidaa ku tagaan.

Todobaadkii hore ayay ahayd markii aan sii daynay wararka ku saabsan in shirkada laga joojiyay shaqada.

Maxamed Yuusuf

ARAABINEWS

Share on Facebook

Tweet

Follow us

Save