Kacdoonka reer Adal oo soo ooday ictiraaf dambe oo SNM aduunka ula cararto+WARBIXIN

London-Araabinews–Marka madaxda SNM dibedda u soo baxaan ee la waydiiyo maxaad raadinaysaan waxay sheegeen ictiraaf ayaan rabnaa waxana la waydiiyaa yaa tihiin waxayna ku doodaan waxaan nahay intii Ingiriisku gumaysan jiray oo wada dhan waxayna muddo yar heleen in jaraaidada London amaan u jeediyaan.

Laakiin taasi maanta waxay noqotey gabaabsi wayna soo ooodantey intii kacdoonka reer Adal kaceen si ay gobolkooda maamulkiisa dib ula soo noqdaan dib uga qaadaan lacago buga oo lagu sameeyo suuqyada Hargeysa, waxna ugu qabtaan lacagta Hargeysa oos loo geeyo ee laga ururiyo masaakiinta Adal.

SNM waxay rabtaa in cuqdada ay u qabto qabiilada kale ee Somaliyeed in ay ku beerto dhalinta reer Adal waxana in muddo ah loo dhigaa caruurta reer Adal cuqdad ku saabsan nacaybka qabiiladaas sida Daarood oo xiriir aad u fiican ka dhexeeyo bulshada reer Adal..

Waxay kaloo abuureen kooxo diintoodu lacag tahay oo hadda baryahan dambe soo baxay oo sheegta in ay reer Adal iyagu yihiin hooyada Somaliland marar badana ku hadla afka SNM.

Kacdoonka reer Adal ayaa heerkii ugu sareeyay maraya intii uu ka curtay gudaha dalka waxayna soo afjareen jaraaido taageera SNM waxayna aduunka u sheegeen in xolaha lagu cunayo magaca Somaliland in reer Adal waxba ka soo gaarin..waxana SNM hadda lagu yiraa waxaad ka mid tihiin federaalka la sheegayo iyo ma dhanidina ee isa soo dhamaystira.

Kacdoonku wuxuu durba aduunka tusay heerka ay bulshadoodu ka taagan tahay inay dib u soo ceshadaan maamulka goboladooda oo hadda ay ka shaqaystaan beesha dhexe.

Warbixin lagu qorey jaraaido ka soo baxa Ingiriiska oo awal ku noolaa beenta SNM ayaa hadda qora in Ingiriiska dantiisu ku jirto in uu xiriir fiican la yeesho shacbiga Somaliyeed iyo dawlada taagta daran ee Xamar si ay khayraadka dalka qaybtooda u helaan.

Maxamed Yuusuf

ARAABINEWS