Kiiniya oo markale fududeynaysa dib u soo celinta Qaxootiga Somali ah oo dalbaday in dib loo celiyo

Dhadhaab–Dawlada Kiiniya ayaa bilaabaysa dib u celinta qoxootiga Somalida ee ku sugan xerada weyn ee ku taal Woqooyiga dalkaasi ee Dhadhaab. Madaxa qoxootiga ee dawlada Kiiniya ayaa sheegay in qoxooti gaaraya ilaa 200 dib loogu soo celin doono gobolada Koofurta Somaliya ee la fiiriyo xaalkooda amni. Masuulka lagu magacaabo Haron Komen ayaa sheegay in qoxootigan ay iyagu dalbadeen in dalkoodii hooyo dib loogu celiyo.

“Waxaan qorsheyneynaa in aan dalkooda dib ugu celino ilaa iyo 200 oo qaxooti Soomaali ah, kuwaasi oo qeyb ka noqon doono 2,050 (Labo kun iyo konton) qof oo aan horaantii bishii la soo dhaafay gaarsiinay Kismaayo, Baydhabo iyo Luuq, waxaana qoysaskaan bilaabeynaa marka aan qiimeyno xaaladaha amni” ayuu yiri Mr Haron Komen.

Mr. Haron Komen ayaa xusay in dib u soo celinta Qaxootiga uu xoogaa hakad ku yimid kaddib roobab ka da’ay gobolka Waqooyi bari ee dalka Kenya, isagoo meesha ka saaray in qoysaskaasi si qasab ah loogu so celinayo dalkooda hooyo.

C/llaahi Warmooge

ARAABINEWS.COM

Share on Facebook

Tweet

Follow us

Save