Gudoomiyaha golaha shacabka Maxamed Mursal ayaa daboolka ka qaaday in maamul jufeedyada ku shirey Dhuusamareeb ayna go’aan ka gaari karin qaabka doorasho ee dalku galayo ayna tahay arin u taala barlamaanka.
“Meel ay ku qoran tahay ma jirto xilligaan in la aado doorasho dadban, wixii shuruuc ah ee doorasho lagu aadi lahaa waxaa iska leh Baarlamaanka malahan maamul goboleedyada ayuu yiri Guddoomiye Maxamed Mursal oo diidey qodobada qaar ku qornaa war murtiyeedka fashilka ahaa.
Sidoo kale guddoomiyaha waxaa uu sheegay in marnaba aysan aqbaleyn in la galo doorasho dadbadan, iyada oo Baarlamaanka ay ansixiyeen sharciga doorashooyinka oo dhigaya in la qabto doorasho qof iyo Cod ah.
Gudoomiye Maxamed Mursal oo la isku dayay in awoodiisa ay ka maroorsadaan bugta aqalka sare ayaa qaba in awooda sharci ee dalka ay leeyihiin barlamaanka.
Waxana la filayaa in dhawaan la marsiiyo golaha shacabka qaabka doorasho ee dhacaysa iyo xilliga ay suuragal tahay.
C/llaahi Warmooge
ARAABINEWS