Madaxweynaha Somaliya Farmaajo ayaa magacaabay guddi su’aalo badan layska weydiiyay shaqada ay qaban doonaan. Waxa gudigan lagu sheegay in ay wadahadal la geli doonaan maamulka Somaliland oo ay ka jiraan xaalad siyaasadeed oo aan deganayn.
Guddigan ayaa Farmaajo ku sheegay inay xal miro dhal ah ka gaaraan tabashooyinka maamulka Soomaaliland waa sida hadalka loo dhigey, loona xaqiijiyo mabaadi’da Jamhuuriyadda Soomaaliya ee ku dhisan talo wadaagga, wadaniyadda, cadaaladda, wadajirka iyo isku duubnida.
Waxa intaas la raaciyay qodobada soo socda:
1. In ay hoggaamiyaan, kuna metalaan dawladda dhexe wadahadallada maamulka Soomaaliland.
2. In ay diyaariyaan cilmi-baaris tafaftiran oo ku saabsan dhinacyada sharciga, siyaasadda, taariikhda, dhaqan-dhaqaalaha iyo arrimaha bulshada ee ku aaddan wadahadalladan.
3. In ay talo bixin joogta ah ka siiyaan Madaxweynaha Jamhuuriyadda Soomaaliya geeddi socodka wadahadalladan.
4. In ay diyaariyaan tubta wadahadallada.
5. Guddiga waxa ay dhammeystiranayaan hanaankooda qaab dhismeed, iyaga oo awood u leh in ay qortaan khuburo iyo lataliyeyaal.
Qodobkan ugu dambeeya ayaa noqdey mid dadka badankiisa la yaabeen qaasatan qaybta ah ”inay qortaan khuburo iyo la-taliyeyaal oo aan la garanayn cida loo qoranayo iyo cidi qori doonta sida ajaanib.
Madaxweynaha ayaana sheegin xilliga uu wadahadalka la furayo maamulka Somaliland. Cuqaasha degmada Buuhoodle ayaa dhawaan u sheegay dawlada dhexe inayna wadahadal la furin maamulka Somaliland.
Faysal Waraabe ayaa si xun u caayay madaxweyne Farmaajo kuna sheegay mid wada ”tii adeerkii” waa sida u hadalka u dhigee.
Maxamed Yuusuf
ARAABINEWS