Madaxweynihii hore ee Masar Maxamed Mursi oo la sheegay sida uu u geeriyooday

Madaxweynihii hore ee dalkaas Masar ayaa la xaqiijay geeridiisa. Maxamed Mursi oo hogaamiye u ahaa ururkiisa akhwaan Muslimiin oo ku xukunaa 7 sanno ayaa saaka hor yimi maxkamad ku taal dalkaasi.

Sida uu sheegay telefishanka dalkaasi Masar Maxamed Mursi oo ahaa 67 jir, ayaa iskala garan waayay xilliga uu taagnaa maxkamada oo ahayd inuu ka hadlo eedaymaha loo jeediyay laakiin dhulka ku dhacay kadibna ay sheegeen in naftu ka baxdey intii loo waday isbitaalka.

Lama garan karo in hore loo soo sumeeyay iyo in kale iyo in uu qabay xanuuno kale oo la diidey in la daaweeyo. Madaxweynaha Turkiga iyo Amiirka Qadar oo ay isku urur diimeed yihiin ayaa iyagu ku sheegay dhimashadiisa SHAHIID.

Meydka Maxamed Mursi ayaa la geeyay isbitaal ku yaala Qaahira lamana hubo in la baari doono sababta saxda ee uu u dhintey.

Wuxuu ahaa madaxweyne ku yimi doorasho xalaala waxase doorashadiisa diidanaa Wahaabiyada Sucuudiga, Imaaraadka iyo Yuhuuda oo ku bixiyay balaayiin doolar sidii xukunka looga tuuri lahaa.

Wakiilka ururka Akhwaan Muslimiin ayaa isagna sheegay in loo diidey in la siiyo daawo, xataa eheladiisa loo diidey inay arkaan ama ogaadaan xanuunka haya.

Inkastoo ururka akhwaan Muslimiintu yihiin urur diimeed nadiifa hadana waxa laga cararay markii ay xalaaleeyeen is-qarxinta qaasatan dagaalka Xamaas kula jirto Yuhuuda.

Culimada akhwaanka ayaa markii dambe sheegay in is-qarxintaas ku ekayd kaliya Yuhuuda haddana ay mamnuuceen gebi ahaanba. Waxa is-qarxinta iyo Muslimiinta oo la gaaleeyo la soo baxay Wahaabiyada/Salafiyada uu taageero Sucuudigu.

Waxa isla caawa salaada jinaasada ee maqnaanshaha looga tukaday marinka Qaza halka beri oo salaasa ah 18/06/2019 masaajida Turkiga oo dhan looga tukan doono.

Rashiid Ceelaanyo

ARAABINEWS