Safiirka Maraykanka u fadhiya Kiiniya ayaa sheegay inuu bilaabay dhexdhexaadin uu ka wado labada madaxdweyne ee Somaliya iyo Kiiniya ee arinta badda. Safiirkan oo si cad u taageersan mowqifka Kiiniya ayaa sheegay inuu yimi Muqdisho.
Waxaad is weydiin kartaa Maraykanku safaarad iyo safiir ayuu ku leeyahay Somaliya maxaa midka Kiiniya sababay inuu yimaado Muqdisho. Waxay muujinaysaa aaminsanaantii hore ee Somalidu aaminsanayd in Somaliya Kiiniya keliya la doodsanayn ee ay dooda kula jirto kuwa ka dambeeyo.
Ha noqoto diin ahaan iyo dano gaara oo ay ka leeyihiinba. Somaliya maka tagi doontaa dhul ay iyadu ledahay, waxa kale oo meesha ku jirta Maraykanku ma farogelin kiiskii Kiiniya looga helay badda Tansaaniya ee maxaa kelifay tan Somaliya.
Garyaqaanada ayaa isku raacay in Somaliya dacwadeedu cadahay oo Kiiniya marhore lumisay dooda markey la xiriirtey garyaqaanada uu Maraykanku ugu horeeyo.
Lix bilood kahor ayay ahayd markii xubno taageersan xagjir Taram ay si cad u sheegeen in Somaliya xoog ku qaadeyn badda oo ay tahay in Kiiniya ku qasbanayn inay u hogaansanto xukunka badda.
Safiirkan ayaa sheegay inuu madaxweyne Farmaajo u sheegay inuu ka hadho dacwada oo Kiiniya la hadlo, waxana cad in madaxweyne Farmaajo ku gacan sayrey una sheegay safiirka inuu ka baxo arintan.
Somaliya waxay deg-deg ugu baahan tahay awood kale oo ka dambeysa ayadoo la ogyahay in dalka ay saaran tahay cunaqabatayn hub laakiin ay awoodo siyaabo kale oo ay ku difaacan karto dhulkeeda.
Safiirkan ayaa marmarsiiyo ka dhigtey in labada wadanba ku jiraan la dagaalanka argagixisada kaas oo hadda noqdey mid lagu xalaashado arimo badan. Waxa kale oo la sheegayaaa in Maraykanku musuqi karo maxkamada waayo waxa cad in kiiskan Somaliya ku guulatysanayso.
Warbixintii C/llaahi Warmooge
ARAABINEWS