Somaliya maka soo kaban kartaa hogii ay ku rideen Xasan Sheekh iyo Sheekh Shariif

Su’aashaa jawaabteeda aan u dhigto dhinaca dambe ee qoraalkan kooban. Shaki kuma Jiro inay taariikhda ka galeen baal madow oo hogii dalka ay ku rideen geesi keliya ka saari karo. Sheekh Shariif waa kii laga saxiixay sheekada magaca Somaliya iyo Somaliland waxana u gaysay aqoon xumo.

Sheekh Shariif

Sheekh Shariif marnaba ma raadin lacagtii shirkaas Ingiriiska lagu balan qaaday sanadii 2012, waxana loo aaneeyay in xitaa baratakoolku ka xunyahay sida uu sheegay C/raxmaan Cabdishakuur oo hadda isna xisbi jufadiisa ah furtey, saaxiib dhowna ay ahaayeen Sh Shariif. Haddana ay mideysay in dawlada la mijaxaabiyo ayadoo Kiiniya iyo Imaaraadka la daba fadhiyo (sawirka hoose)

Waxa xigtey in dastuurkii qaranka la laalo oo lagu bedelo dastuur gaalo laga soo minguuriyay oo dhigaya in khaniisku xaq leeyahay. Waxa dastuur bedelaada lagu hirgeliyay odayaal gaajaysan oo shaahooda loo tuurey badankooduna waxna qorin waxna akhrin.

Maamul kasta oo ka dambeeyay waxa lagu qasbey inuu waqtiga ku lumiyo inuu helo dastuur dhamaystiran. Waxa ugu dambeyn Sheekh Shariif Mahiiga ka saxiixay sheekada federaal oo markii hore qoraal iska ahayd.

Xasan Sheekh

Waxaan ka mid ahaa taageereyaashii Xasan Sheekh inuu bedelo Sheekh Shariif iyo Shariif Xasan, waxayse nagu noqotey filanwaa, waxa markiiba soo baxdey inaanu waxba dhaamin.

Wuxuu markiiba bilaabey samaynta maamul jufeedyada sida uu isagu u fahmey maadaama ayna jirin nidaam qoran laakiin uu Jiro dastuurkii gaalada keentay oo rag uu ka mid yahay Faroole uu ku darsadey ”erayada dawladaha xubnaha ka ah dawlada federaalka ”si uu iskaga fogeeyo Hawiye xukuma.

Maalmihii ugu dambeeyay maamulkiisa markii Axmed Madoobe iyo Kiiniya Kismaayo xoog maamul ugu samaysteen wuxuu hore u dhoodhoobey Hirshabeele iyo Koofur Galbeed.

Aakhirkiina wuxuu hirgeliyay sheekada aqalka sare oo Kaaba qabiilayeyaal iyo siyaasiyiin hore u fashilmey ku cunaan lacagta masaakiinta laga guro sida Faroole, Cumar C/rashiid, Cabdi Qaybdiid, Muuse Yalaxow iyo kuwo kale oo taariikhdooda aad argagax ka qaadayso.

Jawaabta su’aasha aan is weydiiyay

Suaashaas jawaabteeda waa maya waayo ilaa hadda ma soo bixin iimana muuqdo madaxweyne u diyaara inuu dabinadaas iyo qaskaa dawladnimo kala furfuro hadduu jirana waqtiga gaaladu siisey ku filna. Waxa inta badana waqtiga looga ridaa hawlo aan dan ugu jirin shacabka.

Taas waxay keenaysaa in lacagahan malaayiinta ah ee fadhiga ay ku cunayaan xildhibaano ku sheega gaaraya 1300 (kun) oo qof min Saylac ilaa Kismaayo si dib loogu celiyo dalka lana kala diro dhamaantood.

C/llaahi Warmooge

ARAABINEWS