Maxaa ka jira waan isa soo dhiibeyda maalmahan aan ku aragno saxaafada reer Awdal

Waxaa maalmahan soo baxayay dhalinyar sheegtay in ay ka soo carogedisteen kacdoonka reer Awdal ee ay hogaamiyaan Suldaan Wabar iyo Cabdi Shide iyo hogaanada kale ee hawsha kula jira, waxana kow u noqdey nin sheegtay in uu ahaa taliye ciidan. Lama hubo in ninkaas uu awalba ahaa xubin daacada oo ka mida halganka waxase jira arimo run ah oo hada soo baxay laakiin horta aan dulmaro hadalkii Suldaanka.

Usbuucii hore waxa Suldaanku sheegay in uu burburey maamulkii Awdalstate waxayna soo bandhigeen  calan u gaara lama garankaro cida ay kala tashadeen, wuxuuna arinkaasi keenay in suldaanku lumiyo taageero daacad ahayd oo uu ka helayay mamulka Awdalstate taagtiisuba ha yaraadee.

Cabasho sixid ah ayaa gaadhay suldaanka ilaa hadase kama soo bixin wax jawaaba oo ku saabsan arintan iyo arimo kale oo badan waxayna u muuqdaan in looga dheereeyay dhinacii isgaadhsiinta oo ahayd in iyagu ku horeeyaan.

Waxa dad badan dhaliilayaan istaraatijiyada hadda jirta ee ku aadan kacdoonka iyo sida wax loo maamulayo. Halka dadkalana qabaan in kacdoonku aanu helin taageeradii loo baahnaa inkastoo kuwo kalana leeyihiin waxba kuma dhismaan lix bilood.

Hadaan u gudbo arimaha dhabta ee jira ayaa ah sheeko Boorama ka socota oo dhalinyarta halqabsi u noqotey ayaa ah iska dhig qof ku biirey kacdoonka reer Adal maalmo halagu waayo kadibna oday reerka haku kexeeyo hana yiraahdo wiilkeygii waa soo noqdee hala meeleeyo.

Basaaska weyn ee Boorama u fadhiya Siilaanyo ee Ramaax ayaa durba qaati ka taagan dhalinyarta wadadan noocana marta waxana laga soo xigtey in sheekadan aanu lacag u haynin ayna sii socon doonin qofkii dambe ee lagu arkana aanay jirin abaal marin ee uu xadhig mutaysan doono.

Waxase nasiib leh kuwa ay u gashay ee hadda ku helay shilimaad yar ama lagu daray maleeshiyada Siilaanyo ee joogta gobolka sida dhalinyartii shalay aan daawanay ee ay kuu cadahay in ay shaqo raadis ahaayeen.

Wadadan cusub ee furantey ee I gaadhsii Suldaan Wabar aan shaqo helee ma noqonayso mid dhamaata waxaana laga baqayaa in ay noqoto tahriibka gaaban ee shilimaadka.

Maxamed Yuusuf

ARAABINEWS