Maxay yihiin guulaha waaweyn ee aan xusi karno mudadii gaabneyd ee madaxweyne Farmaajo

Waxa madaxweyne Farmaajo la doortey afar sano kahor xilli dalku ku jirey dhaqaale xumo baahsan iyo hanaanka maamulka oo daaqada ka baxay. Waxa lacagta dalka lagu qaadi kirey jawaano waxaana jirey musuqa ugu xun.

Waxa dalku ku socday sida ay jeclaayeen kooxda sheegata beesha caalamka ee ah musuq iyo karti daro. Xasan Cali Kheyre markii la magacaabay wuxuu sheegay in lagu wareejay qasnad madhan oo faaruqa, taas oo muujinaysa heerka musuq ee dalku ku jirey.

Madaxweyne Farmaajo oo lagu doortey tigidh laaluush yaraan iyo hanaan isla xisaabtan, waxaan qormadan ku soo qaadanayaa waxa u qabsoomay mudadaa yar.

Ciidanka xooga dalka

Waxa mudadii uu joogey xukunka uu ku guulaystey dib u soo nooleynta ciidanka qaranka oo kooxda sheegata beesha caalamka ay qaramada midoobey u fadhiyaan in lagu hayo cunaqabataynta. Waxa hadda ciidanku joogaa heer uu isku filan yahay inuu la dagaalamo dhiigmiiratada shabaab, waxa taas kuu cad guulihii u dambeeyay ee ciidanku gaaray.

Haddii uu xukunka sii hayana Somaliya waxay isku taagi doonaa lugaheeda, ciidanka xooga dalkuna waa dhismi inkastoo loo fadhiyo qaramada midoobey oo aan la rabin in cunaqataynta hubka laga qaado inkastoo dalku is hubeyn karo.

Waxa ciidanku qaataa mishaharo joogta ah oo ku dhacda keydkooda halka awal ay mishahar qaadan jireen 9000 oo qof oo qaarkood dibedda joogaan qornaana inay ciidanka ka tirsan yihiin.

Dhaqaalaha dalka

Waxa la helay kobac dhaqaale oo weyn waxayna gaaladu qirteen in la helay hanaan dhaqaale oo lagu faani karo iyo deyn cafin aan laga leexan karin. Dhaqaalaha dalka ayaa ahaa 168 milyan sanadkii markii Farmaajo yimi haddana wuxuu marayaa ku dhawaad 500 oo milyan. Waxana kalsooni muujisay kooxda beesha caalamka iyo hay’adaha wax amaahiya ee dhiigmiiratada ah.

Waxa horumar laga gaaray wax soo saarka beeraha inkastoo ayna jirin miisaaniyad ku filan oo dalka lagu gaarsiiyo heer uu quudin karo dadkiisa, waxana ka soo dhexgalay mudooyinkii u dambeeyay hargabka Karoona.

Haykalka dhismaha dalka

Waxa lagu guulaystey in dib u dhis balaaran lagu sameeyo wadada Muqdisho-Jawhar oo fududeyn doonta kobaca dhaqaalaha ayadoo beeralaydu si degdega wax soo saarkooda ku keeni karaan magaalada ugu weryn dalka ee Muqdisho iyo kuwa kalaba. Jidkan ayaa la gaarsiin doonaa dalkoo dhan.

Xadka Somaliya iyo Kiiniya

Waxa uu ku guulaystey in ciidanka Kiiniya laga saaro gobolka Gedo taas oo dadka degan siisay deganaansho halka awal ay ku qabeen kufsi iyo dil joogta ah, waxayse Kiiniya isku daydey inay soo hubeyso maleeshiyo qaawan, waxana ciidanku ku guulaystey inuu wada qabto.

Inkastoo wax badan la qabtey haddana mudada uu haystey iyo kala hormarinta hawlaha jira waxa la oran karaa waa hogaankii ugu fiicnaa ee dalka soo mara muddo dheer.

C/llaahi Warhaye

ARAABINEWS