Maxkamad ku taal Faransiiska oo hakisay madnuucida dharka haweenku ku dabaashaan

Maxkamad Ku taal dalkaasi Faransiiska ayaa hakisey madnuucida dharka haweenku Ku dabaasho oo baryahan laga hirgeliyay ilaa 30 magaalo oo Ku yaala dalkaasi.

Waxa jirtey dood balaadhan oo baryahan ka dhexjirtey dalkaasi Faransiiska Kuna saabsan madnuucida dharka dumarku Ku dabaashaan, iyadoo magaalooyinka madnuucey Ku doodeen in ay amniga wax u dhimayso kadib xasuuqyo ay argagixisadu ka gaysatey halkaasi.

Maxkamada ayaa sheegtay in ay wax u dhimayso xoriyada qofka uu leeyahay. Kooxaha u dooda xuquuqda ayaa dacwadan geeyay maxkamada ee maaha dumarkii la ganaaxay.

Qareen ka hadlay xukunka ayaa sheegay in haweenkii la ganaaxay ay soo ceshan Karaan lacagtooda. Xoriyada haweenka ee ka jirta Faransiiska ayaan ka jirin wadamo ay ka mid yihiin Sucuudiga Iyo Bakistaan Iyo wadamo kale.

Maxkamada ayaa la filayaa in ay soo saarto go’aan buuxa Isla maanta. Go’aanka ay magaalooyin qaar Ku madnuuceen dharka dabaasha ayaa waxa aad u taageersan dadweynaha Faransiiska.

Rashiid Ceelaanyo

ARAABINEWS

Share on Facebook

Tweet

Follow us

Save